महत्वाच्या बातम्या

उपविभागीय अधिकारी जे. पी. लोंढे यांना निवेदन देऊन आरोपींवर कठोर कारवाई करण्याची मागणी

विदर्भ न्यूज एक्सप्रेस
शहर प्रतिनिधी / देसाईगंज : आरोपींनी कट रचून हत्या केल्याचे उघडकीस आल्यानंतर बुधवारी शहरात मूक मोर्चा काढून या हत्याकांडाचा निषेध करण्यात आला. शहराच्या आंबेडकर वॉर्डातील आशिष मेश्राम हा ११ ऑक्टोबरच्या रात्री ८.३० वाजताच्या सुमारास घरून मोटारसायकलने निघून गेल्यानंतर भगतसिंग वॉर्ड ते तुकुम वॉर्ड मार्गावरील कालव्यात १२ ला सकाळी त्याचा मृतदेह तरंगताना आढळून आला होता. घटनेनंतर अवघ्या २४ तासांत पोलिसांनी विशाल रामभाऊ रेखडे (वय २४ ) या मुख्य आरोपीला अटक केल्यानंतर त्याला बोलते केले. त्याने या प्रकरणाशी संबंधित शहराच्या कस्तुरबा वॉर्डातील निकेश पितांबर अलोणे ऊर्फ नाऱ्या (वय २२). देसाईगंज तालुक्यातील शंकरपूर येथील दुर्गेश देवानंद गाधाडे (वय २२) तसेच आंबेडकर वॉर्डातील संतोष लेकचंद मेश्राम (वय २२) या तीन आरोपींना १४ ऑक्टोबर रोजी अटक केली. त्यानंतर या हत्याकांडात मृत आशिषच्या पत्नीचाही सहभाग असल्याचे लक्षात आल्यानंतर तिलाही अटक करण्यात आली. मोर्चात शहराच्या विविध वॉर्डातील नागरिक सहभागी झाले होते.