आयुष्यमान भारत योजनेच्या माध्यमातून गरिबांच्या सेवेची संधी : पालकमंत्री आत्राम


-  योजनेच्या लाभासाठी नोंदणी करुन गोल्डन कार्ड प्राप्त करण्याचे आवाहन
विदर्भ न्यूज एक्सप्रेस 
प्रतिनिधी / गडचिरोली :
आपल्या प्राप्तीपेक्षा अचानक उद्भवलेल्या आजारावर खर्च संभवतो.  गरीब व्यक्तीला आजारावर उपचार करणे शक्य होत नाही. याची जाणीव ठेवून भारत सरकारने देशात प्रधानमंत्री महत्वाकांक्षी जन आरोग्य योजनेअंतर्गत वार्षीक रुपये ५ लक्षापर्यंत विमा संरक्षण उपलब्ध करुन दिलेला आहे. तेव्हा आयुष्यमान भारत योजनेच्या माध्यमातून गरिबांच्या सेवेची संधी आपल्यास प्राप्त झाली असल्याचे प्रतिपादन आज पालकमंत्री राजे अम्ब्रीशराव आत्राम यांनी केले.
 जिल्हाधिकारी कार्यालयात आयोजित आयुष्यमान भारत-प्रधानमंत्री जनआरोग्य योजनेच्या शुभारंभ प्रसंगी  ते बोलत होते.
 यावेळी जिल्हा परिषद अध्यक्षा योगिता भांडेकर, खासदार अशोक नेते, आमदार डॉ. देवराव होळी , जिल्हाधिकारी शेखर सिंह, मुख्य कार्यकारी अधिकारी डॉ. विजय राठोड, सहाय्यक जिल्हाधिकारी तथा प्रकल्प अधिकारी डॉ. सचिन ओंबासे, नगराध्यक्षा योगिता पिपरे, जिल्हा माहिती अधिकारी प्रशांत दैठणकर, शल्य चिकित्सक डॉ. अनिल रुडे, जिल्हा आरोग्य अधिकारी डॉ. शशिकांत शंभरकर, प्रमोद पिपरे, डॉ. माधुरी किलनाके,  आदी.  प्रामुख्याने उपस्थित होतिे.
 पुढे बोलतांना पालकमंत्री आत्राम म्हणाले की, या योजनेअंतर्गत  प्रत्येक व्यक्तीस वार्षिक ५ लाखा पर्यंतचे विमा संरक्षण अनुज्ञेय आहे. रुपये ८३ कोटी ७२ लक्ष राज्यातील लाभार्थ्यांना सध्याक्ष्या विमा कंपनीमार्फत रुपये १. ५ लाखापर्यंतचे  आरोग्य विमा संरक्षण विमा तत्वावर व रुपये  व १. ५  लक्षावरील ते रुपये  ५ लाखापर्यंतचे विमा संरक्षण राज्य आरोग्य हमी सोसायटीमार्फत ॲश्युअर तत्वावर उपलब्ध करुन देण्यात येईल. गडचिरोली जिल्हयात १ लाख ४८ हजार ३३६ लाभार्थ्यांना लाभ मिळणार आहे.  तसेच महात्मा ज्योतिबा फुले जन आरोग्य योजनेमध्ये अंगीकृत असलेल्या रुग्णालयांपैकी  सुरुवातीला ८० शासकीय रुग्णालयामध्ये  प्रधानमंत्री जनआरोग्य योजना सुरु करण्यात येत असल्याची माहिती यावेळी पालकमंत्री यांनी दिली.  केंद्र शासनाने प्रधानमंत्री जन आरोग्य योजनेअंतर्गत १३४९ आजारावर उपचार करण्यात येणार असल्याचे निश्चित केले आहे.
  याप्रसंगी  बोलतांना खासदार नेते म्हणाले की, प्रधानमंत्री जन आरोग्य योजनेचा लाभ तळागाळातील आर्थिक दुर्बल घटकातील व्यक्तीला होत असून त्या कुटूंबातील सर्व व्यक्तींना विशेषकरुन याचा लाभ होईल.  या योजनेत १३४९ विविध आजाराचा समावेश केल्यामुळे आता  आपल्या देश बलशाली/ स्वस्थ होण्यास  वेळ लागणार नाही. आरोग्य विभागानी मानवतेचा दृष्टीकोण ठेवून रुग्णांना सेवा प्रदान करावी. यामध्ये फॉर्म भरण्यापासनू  उपचार होईपर्यंत रुग्णाला सहकार्य करण्याचे आवाहन यावेळी त्यांनी केले.
 जिल्हा परिषद अध्यक्ष योगिता भांडेकर म्हणाल्या की,  तळागाळातील नागरिकांपर्यंत  ही योजना अत्यंत लाभदायी ठरणार आहे. मानसाची खरी श्रीमती म्हणजे त्याचे आरोग्य होय.  तेव्हा  कुटूंबातील व्यक्तीनी ऑनलाईन फॉर्म भरुन नोंदणी करावी आणि त्यासोबतच आरोग्य विभागाच्या कर्मचाऱ्यांनी रुग्णाला योग्य मार्गदर्शन करुन उपचार करावेत असे निर्देश त्यांनी यावेळी दिले.
 यावेळी जिल्हाधिकारी शेखर सिंह विशेष करुन आशा वर्कसना उद्देशून म्हणाले की, आपण केलेल्या एप्रिल- मे महिन्यातील रुग्णांची यादी  तयार झाली आहे. कुटूंबातल्या सर्वांनाचा याचा  लाभ मिळणार असल्यामुळे आपण सेवा देत असतांना याची माहिती रुग्णापर्यंत पोहचवावी. रुग्णाला ५ लाखापर्यंत मोफत सेवा देत असतांनाच शेजारील कोणत्याही राज्यात  आरोग्य सुविधा उपलब्ध करुन घेता येईल. तेव्हा आरोग्य विभागातील सर्व कर्मचारी/ अधिकारी यांनी व्यवस्थीत माहिती द्यावी, त्याशिवाय या योजनेचा लाभ लाभार्थ्यांना पदरी पाडून घेता येणार नाही.
  आमदार डॉ. देवराव होळी याप्रसंगी बोलतांना म्हणाले की, मानवतेच्या दृष्टीने  आरोग्यांशी असणाऱ्या या योजनेची अमंलबजावणी होणे गरजेचे आहे. देशाला जगात बलशाली बनविण्यासाठी सर्वांचे आरोग्य स्वस्थ असणे आवश्यक  आहे.  २०११ मध्ये झालेल्या जनगणनेत लाभार्थ्यांची याची चुकीची तयार झाली असल्याचे  ते म्हणाले.  आर्थिकदृष्टया सबळ असणाऱ्या कुटूंबाला दारिद्र्यरेषखालील दर्शविण्यात आलेले आहे, तर अत्यंत दुर्बल घटकात असणाऱ्या कुटुंबाचे नांव यादीत नाही.  त्यात विशेष बाब म्हणून दुरुस्ती करुन त्यांना त्यांचा लाभा खऱ्या अर्थाने मिळवून द्यावा असे म्हणाले.
 या कार्यक्रमाच्या प्रारंभी पंतप्रधान  नरेंद्र मोदी यांच्या हस्ते झारखंड मधील रांची येथे  आयोजीत  प्रधानमंत्री जन आरोग्य योजना लोकार्पण सोहळयाचे  थेट प्रक्षेपण जिल्हा सुचना अधिकारी शिवशंकर टेंभूर्णे  यांनी  सादरीकरणाव्दारे प्रक्षेपीत केले. उपस्थित सर्वांनी या कार्यक्रमाचा आस्वाद घेतला.           पालकमंत्री  आत्राम यांच्या हस्ते लाभार्थ्यांना गोल्डन कार्ड वितरीत करण्यात आले.
 कार्यक्रमाचे तपशिलवार प्रास्ताविक शल्य चिकित्सक डॉ. अनिल रुडे यांनी केले.  विशाखा काटवले आणि लिलाधर धाकडे यांनी संयुक्तरित्या संचलन  केले तर डॉक्टर बागराज धुर्वे यांनी उपस्थितांचे आभार मानले.



  Print






News - Gadchiroli | Posted : 2018-09-23






Related Photos