महत्वाच्या बातम्या

राजमुद्रा युवा प्रतिष्ठाणच्या वतीने टी पॉईंट चौकात शिवजन्मोत्सव सोहळा संपन्न

विदर्भ न्यूज एक्सप्रेस
प्रतिनिधी / गडचिरोली : राजमुद्रा युवा प्रतिष्ठान कॉम्प्लेक्स गडचिरोलीच्या वतीने 16 ते 19 फेब्रुवारी पर्यंत शिवजन्मोत्सव सोहळा मोठा उत्साहात साजरा करण्यात आला. तसेच काल 19 फेब्रुवारी भव्य रॅली काढून व विविध कार्यक्रमाचे आयोजन करून छत्रपती शिवाजी महाराजांची जयंती उत्साहात साजरी करण्यात आली. कार्यक्रमाला प्रमुख पाहुणे म्हणून गडचिरोली विधानसभेचे आमदार डॉक्टर देवराव होळी, मार्गदर्शक म्हणून विधान परिषद सदस्य आमदार अमोल मिटकरी संविधानाचे अभ्यासक डॉक्टर प्रेमकुमार खोब्रागडे भाजपचे जिल्हा महामंत्री प्रमोद पिपरे कार्यक्रमाचे आयोजक रणजीत रामटेके समीर बनकर दीपक दिकोंडावार प्रामुख्याने उपस्थित होते.

या कार्यक्रमात सर्वप्रथम आमदार अमोल मिटकरी यांचे शिवचरित्रवर जाहीर व्याख्यान झाले त्यानंतर संविधानाचे अभ्यासात डॉक्टर प्रेम कुमार खोब्रागडे यांनी शिवाजी महाराजांच्या जीवन कार्यावर प्रकाश टाकला त्यानंतर आमदार डॉक्टर देवराव होळी व भाजप जिल्हा महामंत्री प्रमोद पिपरे यांनी शिवाजी महाराजांच्या कार्याबद्दल माहिती सांगितली. यानंतर सायंकाळी सांस्कृतिक कार्यक्रम घेण्यात आले व शिवजन्मोत्सव सोहळ्यात घेण्यात आलेल्या विविध स्पर्धांचे बक्षीस वितरण उपस्थित मान्यवरांच्या हस्ते करण्यात आले. या कार्यक्रमात कॉम्प्लेक्स परिसरातील नागरिक, महिला व युवक उत्स्फूर्त पणे सहभागी झाले होते.