महत्वाच्या बातम्या

 रोजगार घेणारे नाही तर रोजगार देणारे बनण्याच्या हेतुने या रोजगार मेळाव्याचा लाभ घ्यावा


- आमदार डॉ. देवराव होळी 

- सरकारने उपलब्ध करून दिलेल्या रोजगाराच्या संधीचे सोने करा 

- गोंडवाना विद्यापीठात रोजगार मेळाव्याचे आयोजन 

विदर्भ न्यूज एक्सप्रेस 

प्रतिनिधी / गडचिरोली : जिल्हयात रोजगाराची संधी व उद्योजकतेचे पर्व सुरू केल्याबद्दल कौशल्य विकास विभागाचे गोंडवाना विद्यापीठाचे अभिनंदन करीत रोजगार घेणारे नाहीं तर रोजगार देणारे बनण्याच्या हेतुने या रोजगार मेळाव्यात सहभागी होऊन या मेळाव्याचा लाभ घ्यावा असे आवाहन आमदार डॉ देवराव होळी यांनी गोंडवाना विद्यापीठ गडचिरोली व जिल्हा कौशल्य विकास रोजगार व उद्योजकता मार्गद्शन केन्द्र गडचिरोली यांच्या संयुक्त विद्यमाने आयोजित पंडित दीनदयाल उपाध्याय रोजगार मेळाव्याच्या उद्घाटन प्रसंगी केले.

यावेळी मंचावर कार्यक्रमाचे अध्यक्ष खासदार अशोक नेते, उद्योग आघाडीचे  नागपुरचे गिरिधारी मंत्री, जिल्हा कौशल्य विकास अधिकारी शेंडे, प्रामुख्याने उपस्थित होते.

यावेळी मार्गदर्शन करताना आमदार डॉ. देवराव होळी म्हणाले की, देशाचे नेतृत्व माननीय पंतप्रधान नरेन्द्र मोदी यांच्या हाती आल्यापासून आपला देश आत्मनिर्भरते कडे जात आहे. आपला देश आता प्रत्येक क्षेत्रात विकासाच्या मार्गावर आहे. त्यातूनच आता अधिकाधिक युवक - युवतींना  रोजगाराच्या संधी देखील उपलब्ध होत आहेत. त्याच रोजगाराची संधी उपलब्ध करून देण्यासाठी हा मेळावा आयोजित करण्यात आलेला असल्याचे आमदार डॉक्टर देवराव होळी म्हणाले.

गोंडवाना विद्यापीठाचे कुलगुरू यांनी या ६ महिन्याच्या कालावधीत  गोंडवाना विद्यापिठाच्या माध्यमातून रोजगार उद्योग वाढीच्या दृष्टीने उत्तम कार्य करीत असून त्यातूनच गडचिरोली जिल्ह्यामध्ये उद्योगाचे नवे पर्व सुरू झाले असल्याचे प्रतिपादन त्यांनी यावेळी केले.





  Print






News - Gadchiroli




Related Photos