सिटी - १ या वाघाला जेर बंद करणाऱ्या वन अधिकाऱ्यांचे आ. डॉ. देवराव होळी यांनी केले अभिनंदन
- वनमंत्री मा. सुधीर मुनगंटीवार यांचेही मानले आभार
विदर्भ न्यूज एक्सप्रेस
प्रतिनिधी / गडचिरोली : गडचिरोली तालुक्यात असणाऱ्या वाघालाही लवकरात लवकर जेरबंद करण्याची आवश्यकता. १४ निष्पाप लोकांचा बळी घेणाऱ्या सिटी - १ या वाघाला वन विभागाच्या टीमला जिवंत पकडण्यात यश मिळाले असून त्यांच्या या साहस पूर्ण कृतीचे कौतुक करीत आमदार डॉ. देवराव होळी वनविभागाच्या अधिकाऱ्यांचे व टीमचे अभिनंदन केले आहे.
यासाठी पुढाकार घेणारे राज्याचे वनमंत्री नामदार सुधीर मुनगंटीवार यांचे आमदार डॉ. देवराव होळी यांनी विशेष आभार मानले आहे.
गडचिरोली जिल्ह्यात वाघाने धुमाकूळ घातलेला असून आज पर्यंत ४० हून अधिक लोकांचा वाघांनी बळी घेतलेला आहे त्यामुळे या वाघांचा बंदोबस्त करावा अशी मागणी आमदार डॉक्टर यांनी सातत्याने लावून धरली होती. त्याला वन विभागाच्या अधिकाऱ्यांच्या प्रयत्नाने यश मिळाले हे कौतुकास्पद आहे.
सिटी - १ या एकट्या वाघाने आत्तापर्यंत १४ निष्पाप लोकांचा जीव घेतलेला आहे, अशा खतरनाक नरभक्षक वाघाचा वनविभागाच्या अधिकाऱ्यांनी जेरबंद करून भविष्यात अनेक निष्पाप लोकांचे जीव वाचविले आहे. त्यामुळे या वाघाला पकडणाऱ्या वनविभागाच्या अधिकाऱ्यांचे व टीमचे आमदार डॉ. देवराव होळी यांनी अभिनंदन केले आहे.
News - Gadchiroli