गडचिरोली येथे केंद्रप्रमुखांना तंत्रज्ञानाचे धडे


- तीन तालुक्यातील ३५ केंद्रप्रमुखांचा समावेश
विदर्भ न्यूज एक्सप्रेस 
प्रतिनिधी / गडचिरोली : 
केंद्रप्रमुखांना संगणकाद्वारे ऑनलाईन व ऑफलाईन कामे करता आली पाहिजे , तसेच केंद्रातील माहिती सहज उपलब्ध होण्यासाठी डायट गडचिरोली येथे मंगळवारी गडचिरोली , धानोरा, चामोर्शी तालुक्यातील ३५ केंद्रप्रमुखांना तंत्रज्ञानाचे धडे देण्यात आले.                            
दरम्यान मार्गदर्शक म्हणून उपस्थीत विठ्ठल होंडे यांनी  आकांक्षीत जिल्हा दर्शक निहाय कृती आराखडा यावर मार्गदर्शन केले, तसेच आकांक्षीतची ऑनलाईन लिंक किती शाळांनी भरली या विषयी चर्चा करण्यात आली. स्टुडंट पोर्टल वर मास्टर व मेंटेनन्स टॅब वापरून स्टुडंट पोर्टल अपडेट करून महा स्टुडंट ऑप वापरण्याची पद्धत सांगणे , त्यानंतर ईमेल तयार करून ईमेल द्वारे एक्सल फाईल, फोटो, डॉक्युमेंट सेंड करणे , इत्यादी माहिती देण्यात आली.  त्यानंतर  गुगल फार्म तयार करून लिंक सेंड करणे व माहिती गोळा कशी करायची याची माहिती दिली , तसेच दीक्षा ऑप या विषयी सविस्तर माहिती दिली.
 यावेळी  गडचिरोली, धानोरा, चामोर्शी तालुक्यातील  ३५ केंद्रप्रमुख उपस्थित होते. 



  Print






News - Gadchiroli | Posted : 2018-08-08






Related Photos