Petrol Price
गोसेखुर्द कालव्यावर चोरट्यांचा डल्ला : एकाच रात्री २५ शेतकऱ्यांच्या मोटारपंपांची चोरी
विदर्भ न्यूज एक्सप्रेस
प्रतिनिधी / चंद्रपूर : शेतातील धानपिकांना पाणी देण्यासाठी गोसेखुर्द धरणाच्या उजव्या कालव्यावर लावलेल्या तब्बल २५ शेतकऱ्यांच्या मोटारपंपांवर अज्ञात चोरट्यांनी डल्ला मारला. एकाच रात्रीत सर्व मोटारपंप चोरीला गेल्याने तोरगाव (बुज.) येथील शेतकऱ्यांना मोठा आर्थिक फटका बसला आहे. या घटनेत २ लाख ६१ हजार रुपये किमतीचे २५ मोटारपंप चोरीस गेले असून, ऐन धानपिकांना पाण्याची गरज असताना शेतकऱ्यांसमोर नवे संकट उभे ठाकले आहे. ब्रह्मपुरी तालुक्यातील तोरगाव (बुज.) येथील शेतकऱ्यांनी गोसेखुर्द धरणाच्या उजव्या कालव्यावर २०१५ पासून मोटारपंप बसविले आहेत. या मोटारपंपांच्या माध्यमातून ते आपल्या शेतातील धानपिकांना नियमित पाणी देत होते. ४ नोव्हेंबर रोजी सायंकाळी ६ वाजताच्या सुमारास शेतकऱ्यांनी पाणी देऊन मोटारपंप बंद केले आणि घरी परतले. मात्र, दुसऱ्या दिवशी ५ नोव्हेंबर रोजी सकाळी ८ वाजता शेतात गेल्यानंतर त्यांना मोठा धक्का बसला.
कालव्याच्या काठावर लावलेले मोटारपंप जागेवर दिसत नव्हते. काही मोटारपंपांचे डिलिव्हरी पाइप आणि फुटबॉलला जोडलेले पाइप कापलेले आढळले. परिसरात पाहणी केली असता एक-दोन नव्हे, तर तब्बल २५ शेतकऱ्यांचे मोटारपंप गायब असल्याचे समोर आले. ही बाब समजताच गावातील शेतकऱ्यांनी घटनास्थळी धाव घेतली. अनेक वर्षांपासून शेतीसाठी उपयोगात असलेली साधने चोरीला गेल्याने शेतकऱ्यांमध्ये संताप आणि चिंतेचे वातावरण निर्माण झाले आहे.
चोरीस गेलेल्या मोटारपंपांमध्ये टेक्स्मो, सीआरआय, किर्लोस्कर आणि लुबी या कंपन्यांच्या ३ ते ७.५ एचपी क्षमतेच्या मोटारपंपांचा समावेश आहे. एकूण २५ मोटारपंपांची किंमत २ लाख ६१ हजार रुपये आहे. ऐन शेतीच्या हंगामात पिकांना पाणी देण्याचे साधनच चोरीला गेल्याने शेतकऱ्यांची मोठी अडचण झाली आहे.
याप्रकरणी शेतकरी हिरालाल नानाजी राऊत ४० वर्ष , रा. तोरगाव बुज. यांनी ब्रह्मपुरी पोलीस ठाण्यात तक्रार दाखल केली आहे. ४ नोव्हेंबरच्या सायंकाळी ६ ते ५ नोव्हेंबरच्या सकाळी ८ वाजेदरम्यान अज्ञात चोरट्यांनी ही चोरी केल्याचा अंदाज आहे. ब्रम्हपुरी ठाण्याचे ठाणेदार कांचन पांडे यांच्या मार्गदर्शनाखाली सहायक पोलीस निरीक्षक मनोज खडसे पुढील तपास करीत आहेत.
 येथील शेतकऱ्यांना मोठा आर्थिक फटका बसला आहे. या घटनेत २ लाख ६१ हजार रुपये किमतीचे २५ मोटारपंप चोरीस गेले असून, ऐन धानपिकांना पाण्याची गरज असताना शेतकऱ्यांसमोर नवे संकट उभे ठाकले आहे. ब्रह्मपुरी तालुक्यातील तोरगाव (बुज.) येथील शेतकऱ्यांनी गोसेखुर्द धरणाच्या उजव्या कालव्यावर २०१५ पासून मोटारपंप बसविले आहेत. या मोटारपंपांच्या माध्यमातून ते आपल्या शेतातील धानपिकांना नियमित पाणी देत होते. ४ नोव्हेंबर रोजी सायंकाळी ६ वाजताच्या सुमारास शेतकऱ्यांनी पाणी देऊन मोटारपंप बंद केले आणि घरी परतले. मात्र, दुसऱ्या दिवशी ५ नोव्हेंबर रोजी सकाळी ८ वाजता शेतात गेल्यानंतर त्यांना मोठा धक्का बसला.कालव्याच्या काठावर लावलेले मोटारपंप जागेवर दिसत नव्हते. काही मोटारपंपांचे डिलिव्हरी पाइप आणि फुटबॉलला जोडलेले पाइप कापलेले आढळले. परिसरात पाहणी केली असता एक-दोन नव्हे, तर तब्बल २५ शेतकऱ्यांचे मोटारपंप गायब असल्याचे समोर आले. ही बाब समजताच गावातील शेतकऱ्यांनी घटनास्थळी धाव घेतली. अनेक वर्षांपासून शेतीसाठी उपयोगात असलेली साधने चोरीला गेल्याने शेतकऱ्यांमध्ये संताप आणि चिंतेचे वातावरण निर्माण झाले आहे.चोरीस गेलेल्या मोटारपंपांमध्ये टेक्स्मो, सीआरआय, किर्लोस्कर आणि लुबी या कंपन्यांच्या ३ ते ७.५ एचपी क्षमतेच्या मोटारपंपांचा समावेश आहे. एकूण २५ मोटारपंपांची किंमत २ लाख ६१ हजार रुपये आहे. ऐन शेतीच्या हंगामात पिकांना पाणी देण्याचे साधनच चोरीला गेल्याने शेतकऱ्यांची मोठी अडचण झाली आहे.याप्रकरणी शेतकरी हिरालाल नानाजी राऊत ४० वर्ष , रा. तोरगाव बुज. यांनी ब्रह्मपुरी पोलीस ठाण्यात तक्रार दाखल केली आहे. ४ नोव्हेंबरच्या सायंकाळी ६ ते ५ नोव्हेंबरच्या सकाळी ८ वाजेदरम्यान अज्ञात चोरट्यांनी ही चोरी केल्याचा अंदाज आहे. ब्रम्हपुरी ठाण्याचे ठाणेदार कांचन पांडे यांच्या मार्गदर्शनाखाली सहायक पोलीस निरीक्षक मनोज खडसे पुढील तपास करीत आहेत.)
