धान व भरडधान्य खरेदीच्या नोंदणीकरिता ७ डिसेंबरपर्यंत मुदतवाढ

विदर्भ न्यूज एक्सप्रेस

प्रतिनिधी / चंद्रपूर : खरीप पणन हंगाम २०२२ - २३ मधील शासकिय आधारभुत खरेदी योजनेअंतर्गत धान व भरडधान्य खरेदीकरिता एन.इ.एम.एल. पोर्टलवर शेतकरी नोंदणीकरिता 7 डिसेंबर 2022 पर्यंत मुदतवाढ देण्यात आली आहे.

जिल्ह्यातील धान खरेदी केंद्राना धान खरेदी सुरू करणेसाठी शेतकरी नोंदणी करताना हंगाम २०२२ - २३ पासुन ज्या शेतकऱ्याचा ७/१२ आहे, त्याच शेतकऱ्याचा प्रत्यक्ष लाईव्ह फोटो अपलोड करणे आवश्यक आहे. त्याशिवाय नोंदणी पुर्ण होणार नाही. त्यामुळे शेतकऱ्यांनी लाईव्ह फोटो अपलोड करण्यासाठी स्वतः खरेदी केंद्रावर उपस्थित राहावे असे जिल्हा मार्केटिंग अधिकारी संजय हजारे यांनी कळविले आहे.