Petrol Price
व्यक्तीची गळफास लावून आत्महत्या
विदर्भ न्यूज एक्सप्रेस
तालुका प्रतिनिधी / भिवापूर : एका ५२ वर्षीय व्यक्तीने त्याच्या घराच्या अंगणातील पेरूच्या झाडाच्या फांदीला दुपट्ट्याच्या मदतीने गळफास लावून घेत आत्महत्या केली. ही घटना भिवापूर शहरातील रामधन चौकात शनिवारी २४ ऑक्टोबर मध्यरात्री घडली असून, रविवारी २५ ऑक्टोबर सकाळी उघडकीस आली.
अशोक शंकर श्रीरामे ५२ वर्षे रा. रामधन चौक, भिवापूर) असे मृताचे नाव आहे. त्याला दारूचे व्यसन असल्याने त्याची पत्नी मुलासह त्याला सोडून बेसूर (ता. भिवापूर) येथे राहायला गेली होती. त्यामुळे तो एकटाच राहायचा. दरम्यान, शनिवारी मध्यरात्री त्याने कुणाचेही लक्ष नसताना घराच्या अंगणात असलेल्या पेरूच्या झाडाच्या फांदीला दुपट्ट्याच्या मदतीने गळफास लावून घेत आत्महत्या केली.
रविवारी सकाळी तो शेजाऱ्यांना लटकलेल्या अवस्थेत दिसल्याने त्यांनी पोलिसांना कळविले. पोलिसांनी लगेच घटनास्थळ गाठून पाहणी व पंचनामा केला आणि मृतदेह भिवापूर शहरातील ग्रामीण रुग्णालयात तपासणीसाठी पाठविला. उत्तरीय याप्रकरणी भिवापूर पोलिसांनी अकस्मात मृत्यूची नोंद केली असून, या घटनेचा तपास ठाणेदार अजितसिंग देवरे यांच्या मार्गदर्शनात पोलिस उपनिरीक्षक सचिन उरकुडे करीत आहेत.
