महत्वाच्या बातम्या

पोलीस भरतीमध्ये खुला प्रवर्ग व ई डब्ल्यू एस प्रवर्गाला स्थान देण्यात यावा : नगरसेवक आशिष पिपरे

- ओ.बी.सी. युवकांना जागा वाढवुन द्याव्यात अन्यथा गडचिरोली जिल्ह्यात विराट आंदोलनाचा इशारा

विदर्भ न्यूज एक्सप्रेस

तालुका प्रतिनिधी / चामोर्शी : गडचिरोली जिल्ह्यातील विविध गावातील खुल्या प्रवर्गातील व ई डब्ल्यू एस प्रवर्गातील शेकडो बंगाली युवकांनी चामोर्शी येथील भाजपा सहकार आघाडीचे जिल्हा अध्यक्ष नगरसेवक आशिष पिपरे व भाजपा बंगाली आघाडी जिल्हा संयोजक रमेश अधिकारी यांची भेट घेऊन खुला प्रवर्ग व ई डब्ल्यू एस प्रवर्गावर झालेल्या अन्यायाबाबत सविस्तर चर्चा केली व निवेदन दिले आणि निवेदनाद्वारे त्यांनी कळवले की, गेल्या तीन वर्षापासून जिल्ह्यातील पोलीस भरती मध्ये खुला प्रवर्ग व ई डब्ल्यू एस प्रवर्गाला एकही जागा नाही ? व या प्रवर्गातील शेकडो युवक गेल्या अनेक वर्षापासून पोलीस भरतीची तयारी करत आहेत.

परंतु भरतीमध्ये कुठलाही स्थान नसल्याने त्यांचा हिरमोड झाला आहे व निवेदनाद्वारे मागणी केली गडचिरोली जिल्ह्यात पोलीस भरतीत ७४२ जागासाठी भरती पार पडणार आहे. परंतु या पोलीस भरती खुल्या प्रवर्गातील व ई डब्ल्यू एस प्रवर्गातील एकाही युवकाला स्थान दिला गेला नाही. ही शोकांतिका आहे. याबाबत लोकप्रतिनिधींना अवगत केला. परंतु येथील लोकप्रतिनिधी सुद्धा मूंग गिळून गप्प आहेत.

यावेळी नगरसेवक आशिष पिपरे यांनी प्रश्न उपस्थित केला की, गडचिरोली जिल्ह्यातील ओ. बी.सी. खुला प्रवर्ग व ई डब्ल्यू एस प्रवर्गातील सुशिक्षित बेरोजगार यांचा वाली कोण याबाबत नगरसेवक आशिष पिपरे यांनी खासदार अशोक नेते यांच्याशी चर्चा केली व आज या विषयावर गडचिरोली चिमूर लोकसभा क्षेत्राचे खासदार अशोक नेते यांचे मार्गदर्शनात त्यांचे गडचिरोली येथील निवासस्थानातील कार्यालय येथे महत्त्वाची बैठक ठेवण्यात आली आहे.

या विषयावर बोलताना आशिष पिपरे यांनी सांगितले की, खुला प्रवर्ग व ई डब्ल्यू एस प्रवर्गाला व ओ.बी.सी. युवकांना गडचिरोली जिल्ह्यात न्याय न मिळाल्यास जिल्ह्यात विराट आंदोलन उभारण्यात येईल असा इशारा दिला व वेळ पडल्यास न्याय मागण्यासाठी उच्च न्यायालयात दाद मागण्याची तयारी सुद्धा आशिष पिपरे यांनी केली आहे. आता या विषयावर खासदार अशोक नेते यांच्या मार्गदर्शनात पुढील वाटचालीची दिशा ठरवण्यात येणार असल्याची माहिती दिली आहे.