महत्वाच्या बातम्या

जिल्हा परिषद प्राथमिक शाळा जाजावंडी येथे महावाचन मेळावा संपन्न

विदर्भ न्यूज एक्सप्रेस

तालुका प्रतिनिधी / एटापल्ली : एटापल्ली तालुक्यातील अतिदुर्गम भागातील जिल्हा परिषद उच्च प्राथमिक डिजिटल शाळा जाजावंडी या शाळेत मुख्यमंत्री माझी शाळा सुंदर शाळा या अभियान अंतर्गत महावाचन मेळावा घेण्यात आला.

या महावाचन मेळाव्यात जिल्हा परिषद प्राथमिक शाळा जाजावंडी येथील १३७ विद्यार्थ्यांनी सहभाग घेतला होता.छत्रपती शिवाजी महाराज यांच्या जीवन आणि शिकवणूक ही थीम ठेवून सदर उपक्रम शाळेत राबविण्यात आला होता. छत्रपती शिवाजी महाराजांच्या जीवनातील घटनेतून मिळालेली सर्वात मोठी प्रेरणा किंवा त्यांच्या जीवनातील तीन पैलू याबाबत प्रत्येक विद्यार्थ्यांकडून एक पान लेखन करून गटशिक्षणाधिकारी पंचायत समिती एटापल्ली यांच्याकडे सादर करण्यात आला.

या महावाचन उपक्रमात विद्यार्थी आनंदाने सहभागी झाले. यासाठी गटशिक्षणाधिकारी कुमरे, केंद्र प्रमुख, बेडके व गावातील लोक व शिक्षकांच्या मार्गदर्शन लाभला आहे.