महत्वाच्या बातम्या

उद्या सेलसुरा येथे जिल्हास्तरीय तृणधान्य व स्ट्रॉबेरी महोत्सवाचे आयोजन

विदर्भ न्यूज एक्सप्रेस
प्रतिनिधी / वर्धा : डॉ. पंजाबराव देशमुख कृषि विद्यापिठ अकोला संलग्नित कृषि विज्ञान केंद्र सेलसुरा व कृषि विभागाच्या संयुक्त विद्यमाने उद्या १० फेब्रुवारी रोजी जिल्हास्तरीय तृणधान्य व स्ट्रॉबेरी महोत्सवाचे आयोजन करण्यात आले आहे. या महोत्सवाचा नागरिकांनी लाभ घ्यावा, असे आवाहन करण्यात आले आहे.

सेलसुरा येथे सकाळी ११ वाजता आयोजित तृणधान्य व स्टॉबेरी महोत्सवाचे उद्घाटन खा. रामदास तडस यांच्या हस्ते होणार असून यावेळी जिल्हाधिकारी राहुल कर्डिले, कुलगुरु डॉ. शरद गडाख, विस्तार शिक्षण संचालक डॉ. धनराज उंदिरवाडे यांची प्रमुख उपस्थिती असणार आहे.

सदर महोत्सवाचा उद्देश शेतकरी व संशोधक यांच्या मध्ये ज्ञानाची देवाणघेवाण करण्यासाठी, अत्याधुनिक कृषि पध्दतींबद्दल जाणून घेण्यासाठी आणि शाश्वत आणि पर्यावरणास अनुकूल पध्दतींची खात्री करुन पीक उत्पादकता वाढविण्यासाठी व्यासपिठ उपलब्ध करुन देणे आहे.

महोत्सवात पौष्टिक तृणधान्य व स्ट्रॉबेरी लागवड या विषयावर भर देण्यात येणार असून शेतकरी व शास्त्रज्ञ चर्चासत्र, स्ट्रॉबेरी लागवड व तेलबिया थेट पिक पाहणी सोबतच कृषि विज्ञान केंद्रातील विविध प्रकल्प देखील आकर्षण ठरणार आहे. तसेच कृषि संलग्नित विविधा विभागांचे दालन देखील उभारण्यात येणार आहे, असे कृषि विज्ञान केंद्राच्या वरिष्ठ शास्त्रज्ञांनी कळविले आहे.