महत्वाच्या बातम्या

कोरची- बेडगाव राज्यमहामार्गावर खाजगी बसचा भीषण अपघात

- 18 प्रवासी जखमी त्यात अडीच वर्षांचा बालक व दोन गर्भवती महिलांचा समावेश असून 4 प्रवासी गंभीर जखमी

विदर्भ न्यूज एक्सप्रेस

तालुका प्रतिनिधी / कोरची : मुख्यालयापासून 4 किमी अंतरावर असलेल्या बेळगाव जवळ कोटगुल वरून येणारी भरधाव खाजगी बसचे (MH40N1014) नियंञण सुटल्याने अपघात झाला असून अपघात झालेली बस ही रोडलगतच्या खड्यात जाऊन पलटीखाल्ली असून या बसमध्ये 35 ते 40 प्रवासी प्रवास करीत असल्यानचे माहिती प्राप्त झाली असून यापैकी 18 प्रवासी जखमी झाले असून 4 प्रवासी गंभीर जखमी झाले. त्यांना पुढील उपचाराकरिता गडचिरोली येथिल जिल्हा रुग्णालयात हलविण्यात आले.

सदर अपघाताची माहिती वडसावरून येणारे व्यावसायिक जिशान मेमोन हे खाजगी कामाकरिता कोरची येथे येत असताना अपघात झाल्याचे दिसले असता, यांनी अपघाताची माहिती काँग्रेस तालुका अध्यक्ष मनोज अग्रवाल यांना दिली. तसेच वेळ वाया न घालवता मनोज अग्रवाल यांनी कोरचीतील समाज कार्यकर्ते वसीम शेख, आशिष अग्रवाल, सुरज हेमके, जितेंद्र सहारे, अभिजीत निंबेकर यांना दिली. या सर्वांनी वेळ वाया न घालवता घटनास्थळी पोहचवून सर्व प्रवाशांना खाजगी वाहन तथा 108 द्वारा कोरची येथील ग्रामीण रुग्णालयात पाठवण्यात आले. व त्यांच्यावर योग्य ते उपचार डॉ. राहुल राऊत व त्यांच्या चमू तर्फे करण्यात आले असून रुग्णाच्या नातेवाईकांनी या सर्वांचे आभार व्यक्त केले आहे. गंभीर जखमी रुग्णांना गडचिरोली येथे हलविण्यात आले.

सदर अपघातात रामचंद्र टेंभुळकर (75) बेडगाव, जयाबाई धुर्वे कुरखेडा (70), संताबाई मडावी कोरची (35), श्यामलाल पुरमे सोनपूर (65), कुमारी गावडे नांडळी (30), ललिता पडोटी सोनपूर (40), अंबरीबाई टेंभुळकर (36), निकिता टेंभुळकर बोरी (21), दीपिका शिकारी कोटगुल (25), रामलाल शिकारी कोटगुल (40), अरमान शिकारी कोटगुल (वय अडीच वर्ष ), रचना शिकारी कोटगुल (7), नंदिनी शिकारी कोटगुल (3), आनंदराव मरापे कोरची (56), हिलम मडावी मोहगाव (2), मनोज मडावी मोह्गाव (25), असे एकूण 18 प्रवासी गंभीर जखमी झाली असून यापैकी दीपिका शिकारी, आनंद मरापे, अमरी बाई टेंभुर्ण, निकिता टेंभुर्ण, या गंभीर जखमी असून यांना पुढील उपचाराकरिता गडचिरोली येथील जिल्हा रुग्णालयात पाठवण्यात आले आहे. अपघातात दोन गर्भवती महिला व अडीच वर्षाच्या बालकाच्या समावेश आहे.

अपघातग्रस्तांना मदतीसाठी धावून आलेले मनोज अग्रवाल, वसीम शेख, आशिष अग्रवाल, सुरज हेमके, जितू सहारे, अभिजीत निंबेकरया सर्वांचे रुग्णालयांच्या नातेवाईकाने आभार मानले असून, ते आमच्यासाठी देवदूत ठरले अशी प्रतिक्रिया रुग्णांच्या नातेवाईकांनी दिली.

अपघाताची पुढील तपास बेळगावचे पोलीस उपनिरीक्षक अनिल नानेकर करीत असून बस चालकावर गुन्हा दाखल करण्यात आल्याची माहिती प्राप्त झालेली आहे.