महत्वाच्या बातम्या

 तेली समाजातील सर्व घटकांनी संघटित होवून समाज एकतेची ताकद दाखवावी : भाजपा जिल्हा महामंत्री योगीता पिपरे


- श्री संत संताजी जगनाडे महाराज पुण्यतिथी निमित्य आरमोरी येथे तेली समाज मेळावा

- जेष्ठ नागरिक, सेवानिवृत्त कर्मचारी, गुणवंत विद्यार्थ्यांचा शाल, श्रीफळ व सन्मानचिन्ह देऊन सत्कार

विदर्भ न्यूज एक्सप्रेस 

प्रतिनिधी / गडचिरोली : विदर्भासह गडचिरोली जिल्ह्यात तेली समाज मोठ्या संख्येने आहे. हा समाज विविध जाती, पोटजातीमध्ये विखुरलेला आहे. तेली समाजातील सर्व घटक एकत्र आल्याशिवाय समाजाच्या समस्या सुटणार नाही. त्यामुळे तेली समाजातील सर्व घटकांनी संघटित होवुन एकतेचे दर्शन घडवावे आणि समाजाची ताकद दाखवून द्यावी, असे आवाहन महाराष्ट्र प्रांतिक तेली महासभा महिला आघाडी विदर्भ उपाध्यक्ष तथा माजी नगराध्यक्ष गडचिरोली योगीता पिपरे यांनी केले. 

श्री संत संताजी जगनाडे महाराज पुण्यतिथी निमित्य तेली समाज मेळावा तसेच वधु-वर परिचय मेळावा, जेष्ठ नागरिक, सेवानिवृत्त कर्मचारी व गुणवंत विध्यार्थ्यांचा सत्कार यांचे आयोजन संताजी ग्राउंड कोसा विकास केंद्रा जवळ, वडसा रोड आरमोरी येथे आयोजित करण्यात आले होते. यावेळी उद्घाटक म्हणून तेली समाज बांधवांना प्रबोधनात्मक मार्गदर्शन करतांना योगीता पिपरे बोलत होत्या.

मेळाव्याला अध्यक्ष म्हणून किसनराव खोब्रागडे शिक्षण संस्था अध्यक्ष भाग्यवन खोब्रागडे उपस्थित होते. प्रमुख अतिथी म्हणून महाराष्ट्र प्रांतिक तेली समाज महासंघ नागपूर विभागीय अध्यक्ष जगदीश वैद्य, महाराष्ट्र प्रांतिक तेली सामाज महासभा महिला आघाडी विदर्भ संघटिका माधुरि तलमले, महाराष्ट्र प्रांतिक तैलिक महासभा जिल्हाध्यक्ष प्रमोद पिपरे, महाराष्ट्र प्रांतिक तैलिक महासभा जिल्हाध्यक्ष (दक्षिण) प्रभाकर वासेकर, भाजपा प्रदेश लोकसभा संयोजक बाबुरावजी कोहळे, प्राचार्य पी.आर. आकरे, भाष्करराव बोडणे, परसरामजी टिकले, डॉ. संजय सुपारे, भाग्यलक्ष्मी खोब्रागडे, नगरसेवक मिलिंद खोब्रागडे, पुष्पां करकाडे, मारोती दुधाबावरे, संदया खोब्रागडे, द्वारकाप्रसाद सातपुते, यांच्या प्रमुख उपस्थितीत संपन्न झाला. मेळाव्याला मोठ्या संख्येने तेलिसमाज बांधव उपस्थित होते.

कार्यक्रमाचे सूत्रसंचालन डॉ. प्रदिप चापले यांनी केले. यावेळी महाराष्ट्र लोकसेवा आयोग परीक्षेत प्राविण्य प्राप्त विद्यार्थी, जेष्ठ नागरिक, सेवानिवृत्त कर्मचारी व १०वि १२ वि उत्तीर्ण गुणवंत विध्यार्थ्यांचा मान्यवरांच्या हस्ते शाल, श्रीफळ व सन्मानचिन्ह देवून सत्कार करण्यात आला. 

मेळाव्याचे आयोजन श्री संताजी बहुउद्देशीय सेवा मंडळ आरमोरीचे अध्यक्ष बुद्धाजी किरमे, उपाध्यक्ष राम कुर्झेकर, सचिव देविदास नैताम, सहसचिव तुळशीराम चिलबुले, कोषाध्यक्ष विवेक घाटूरकर, शंकरराव बावनकर, गंगाधर जुवारे, गजानन चिळगे, रविंद्र सोमनकर, आकाश चिलबुले, विलास चिलबुले, रवींद्र निंबेकार, प्रतिभा जुवारे, हिरा कामडी, सुरेखा भांडेकर व श्री संताजी बहुउद्देशीय सेवा मंडळचे सदस्य यांनी केले.





  Print






News - Gadchiroli




Related Photos