मुख्यमंत्र्यांनी शब्दावर कायम राहून विधानसभा निवडणुकीपूर्वी ओबीसींच्या मागण्या पूर्ण कराव्यात


-  अन्यथा निवडणुकीत भाजप वर बहिष्कार टाकण्याचा ओबीसी महासंघाचा इशारा
विदर्भ न्यूज एक्सप्रेस 
प्रतिनिधी/ गडचिरोली :
लोकसभा निवडणुकीपूर्वी मुख्यमंत्री देवेंद्र फडणवीस यांनी जिल्ह्यातील ओबीसींचे प्रश्न सोडविण्याचे आश्वासन दिले होते. मात्र लोकसभा निवडणुकीपूर्वी कोणताही निर्णय घेण्यात आला नाही. यामुळे मुख्यमंत्र्यांनी शब्दावर कायम राहून विधानसभा निवडणुकीपूर्वी ओबीसींच्या मागण्या पूर्ण कराव्यात अन्यथा आगामी विधानसभा निवडणुकीवर भाजप वरच बहिष्कार टाकू असा इशारा ओबीसी महासंघाने दिला आहे. 
  जिल्ह्यातील ओबीसींचे आरक्षण १९ टक्क्यांवरून ६ टक्क्यांवर आणण्यात आले आहे. त्यामुळे  २००२ पासून वर्ग ३ व ४ च्या पदभरतीतून ओबीसी प्रवर्गातील युवक बाद झाले आहेत.  जिल्ह्यातील ४२.५  टक्के लोकसंख्या असलेल्या ओबीसी समाजावर सातत्याने अन्याय केला जात आहे. गडचिरोली जिल्ह्यातील ओबीसींचे आरक्षण पूर्ववत १९ टक्के या मागणी बरोबरच तीन वर्षांपासून गडचिरोली जिल्ह्यासह संपूर्ण महाराष्ट्रात मागासवर्गीय विद्यार्थ्यांची शिष्यवृत्ती अतिशय कमी करण्यात आली , जिल्ह्यात अनुसूचित क्षेत्रातील गावे घोषित करताना त्या गावांमध्ये ५० टक्क्यांपेक्षा अधिक आदिवासी समाजाची लोकसंख्या असणे गरजेचे आहे. परंतु ज्या गावांमध्ये गैरआदिवासींची संख्या ५० टक्क्यावर आहे. अशी गावे सुद्धा अनुसूचित क्षेत्रात समाविष्ट करण्यात आली आहेत.  त्यामुळे जिल्ह्यात बिगर अनुसूचित क्षेत्र कमी झाले असून ओबीसी समाजाचे मोठे नुकसान झाले आहे.  या करिता जिल्ह्यात सतत ओबीसी समाजाचे आंदोलन होत असून २०१४ च्या निवडणूकी मध्ये सुधा भाजप पक्षातील नेत्यांनी ओबीसी समाजाच्या आरक्षणाच्या मुद्द्यांवर जिल्ह्यात सत्ता काबीज केली.  सत्तेत येउनही गेल्या ५ वर्षांत ओबीसी आरक्षण मात्र जैसे थे आहे. नुकताच झालेल्या लोकसभा निवडणुकी मध्ये जिल्ह्यातील ओबीसी समाजाने लोकसभा निवडणुकी वर बहिष्कार टाकण्याचे ठरविले होते.  परंतु  १८ फेब्रुवारी २०१९ ला झालेल्या मुख्यमंत्री यांच्या दौऱ्या दरम्यान जिल्ह्यातील ओबीसी आरक्षण पूर्वरत करण्याबाबत व तसेच गैरआदिवासी गावातील पेसा कायदा सुधरविण्याबाबत आश्वासन दिल्याने तो बहिष्कार ओबीसी समाजाने मागे घेतला.  तरीही यावर विश्वास न ठेवता ओबीसी समाजातील काही बांधवानी नोटा ला पर्याय दिला होता व नोटा चा आकडा साधारण १८ हजाराच्या वर गेला होता.  उद्या पुन्हा गडचिरोली जिल्ह्यात मुख्यमंत्री महोदयांचा दौरा असून दोऱ्या दरम्यान ओबीसी समाजाच्या आश्वासनावर ठाम न राहिल्यास येत्या विधानसभा निवडणुकी मध्ये भाजप व काँग्रेस पक्षावर बहिष्कार टाकण्याचा ईशारा राष्ट्रीय ओबीसी महासंघाने व ओबीसी समूहात मोडणाऱ्या पोटजातीय संघटनांनी दिला आहे. 



  Print






News - Gadchiroli | Posted : 2019-08-03






Related Photos