राज्यपाल रमेश बैस यांचा विदर्भ दौरा कार्यक्रम
विदर्भ न्यूज एक्सप्रेस
प्रतिनिधी / नागपूर : राज्यपाल रमेश बैस हे काल गुरुवार ७ ते १० डिसेंबरपर्यंत विदर्भ दौऱ्यावर येत आहेत. त्यांचा दौरा कार्यक्रम पुढीलप्रमाणे आहे.
शुक्रवार ८ रोजी सकाळी ९.४० वाजता राजभवन येथून भंडाराकडे प्रयाण करतील. त्यानंतर भंडारा जिल्ह्यातील संरक्षण सेवा अकादमी, शहापूर येथे होणाऱ्या विकसित भारत संकल्प यात्रा कार्यक्रमास उपस्थित राहतील. त्यानंतर दुपारी १.५० वाजता कोरंबी येथील पिंगळेश्वरी देवी मंदीर येथे आगमन होईल. त्यानंतर देवीचे दर्शन व आरतीला उपस्थित राहतील. त्यानंतर दुपारी २ वाजता चिखली येथे शेतकऱ्यांशी संवाद साधतील. त्यानंतर नागपूरकडे प्रयाण करतील व राजभवन येथे मुक्कामी राहतील.
राज्यपाल रमेश बैस हे शनिवार ९ रोजी सकाळी ११.३० वाजता मोटारीने अमरावतीकडे प्रयाण करतील. त्यानंतर दुपारी २ वाजता संत ज्ञानेश्वर सांस्कृतिक भवन येथे होणाऱ्या राजमाता अहिल्याबाई स्त्री शक्ती पूरस्कार कार्यक्रमास प्रमुख पाहुणे म्हणून उपस्थित राहणार आहेत. त्यानंतर दुपारी ३.३० वाजता अमरावती येथून वर्धाकडे प्रयाण करतील. वर्धा येथील विकास भवन, गांधी चौक येथे सायंकाळी 5 वाजता रोटरी क्लबच्या कार्यक्रमास उपस्थित राहतील. त्यानंतर सायंकाळी ६ वाजता विकास भवन येथून नागपूरकडे प्रयाण करतील. त्यानंतर राजभवन येथे मुक्कामी राहतील.
रविवार १० रोजी राजभवन, नागपूर येथून सकाळी १०.१० वाजता डॉ. बाबासाहेब आंबेडकर आंतरराष्ट्रीय विमानतळ, नागपूर येथून हेलिकॉप्टरने पोरला, गडचिरोलीकडे प्रयाण करतील. त्यानंतर ११ वाजता शिवाजी हायस्कूल व कनिष्ठ कला महाविद्यालय येथे होणाऱ्या विकसित भारत संकल्प यात्रेला प्रमुख पाहूणे म्हणून उपस्थित राहतील. पोरला हेलिपॅड येथून दुपारी १२.४० वाजता नागपूरकडे प्रयाण करतील. त्यानंतर दुपारी २.२० वाजता नागपूर विमानतळावर आगमन व राजभवन येथे त्यांची वेळ राखीव असेल. रात्री ९.१० वाजता नागपूर विमानतळावरून मुंबईकडे प्रयाण करतील.
News - Nagpur