मान्सून केरळ आणि लक्षद्वीपमध्ये धडकला , कर्नाटकच्या किनारपट्टीवर पावसाला सुरूवात


वृत्तसंस्था / मुंबई :  केरळ आणि लक्षद्वीपमध्ये धडकला आहे असून  कर्नाटकच्या किनारपट्टीवरही पावसाला सुरूवात झाली आहे अशी माहिती हवामान विभागाने दिली आहे.   लवकरच पाऊस महाराष्ट्रातही बरसेल अशीही माहिती स्कायमेटने दिली आहे. 
येत्या आठ ते दहा तासात सोसाट्याच्या वाऱ्यासह अकोला, अमरावती, औरंगाबाद, चंद्रपूर, गोंदिया, कोल्हापूर, नागपूर, परभणी, पुणे, रत्नागिरी, सोलापूर, वर्धा या शहरांमध्ये पाऊस कोसळण्याची  शक्यता स्कायमेटने वर्तवली आहे.  
गेल्या अनेक दिवसांपासून उकाड्याने आणि उष्म्याने हैराण झालेल्या नागरिकांना काही प्रमाणात दिलासा मिळणार आहे. तसेच बळीराजासाठीही ही आनंदाची बातमी आहे.  आज मुंबई शहर आणि उपनगरांतही पावसाच्या काही सरी कोसळल्या .  देशात यंदा सरासरी ९६ टक्के पाऊस होईल असा अंदाज हवामान विभागाने वर्तवला आहे. तर राज्यात कमी पाऊस होईल अशी शक्यता वर्तवण्यात आली होती. आता मान्सून केरळात दाखल झाला आहे.  त्यामुळे तो महाराष्ट्रातही दाखल होईल यात शंकाच नाही. 



  Print






News - Rajy | Posted : 2019-06-08






Related Photos