महत्वाच्या बातम्या

राष्ट्रवादी युवक काँग्रेस तालुका सिंदेवाहीच्या वतीने शिंदे-फडणवीस सरकारचा जाहिर निषेध

विदर्भ न्यूज एक्सप्रेस

तालुका प्रतिनिधी / सिंदेवाही : महाराष्ट्र राज्यात येणारे महत्वाचे रोजगार विषयक प्रकल्प परराज्यात स्थलांतर करणाऱ्या शिंदे-फडणवीस सरकारचा राष्ट्रवादी युवक काँग्रेस तालुका सिंदेवाहीच्या वतीने शहरातील शिवाजी चौकात सोमवार ३१ ऑक्टोबर रोजी जाहिर निषेध करण्यात आला.

सविस्तर वृत्त असे की, मागील दोन महिन्यामध्ये महाराष्ट्र राज्यात शिंदे-फडणवीस सरकार आल्यापासून राज्यातून जवळपास तीन मोठे उद्योग प्रोजेक्ट गुजरातला स्थलांतरीत करण्यात आले. यात मुख्य प्रोजेक्ट म्हणजे वेदांत फॉक्सकॉन, नागपूर मिहानमध्ये होणारा टाटा एअरबसचा प्रकल्प तसेच अन्य एक प्रोजेक्टचा समावेश आहे. हे सर्व प्रोजेक्ट मोठे असल्याने महाराष्ट्र राज्यातील युवकांचा रोजगार हिरावून त्यांना बेरोजगार करणाऱ्या शिंदे-फडणवीस सरकार चा राष्ट्रवादी युवक काँग्रेस तालुका सिंदेवाही च्या वतीने शहरातील शिवजी चौकात सर्व पदाधिकारी व कार्यकर्त्यांच्या सोबत महाराष्ट्रातील सरकार गुजरातची वफादार, पन्नास खोके महाराष्ट्राला धोखे अशे विविध नाऱ्यांसह सोमवार ३१ ऑक्टोबर रोजी जाहिर निषेध करण्यात आला.

याप्रसंगी राष्ट्रवादी युवक चे तालुका अध्यक्ष सलीमखान पठाण, मनोजकुमार सैनी तसेच राष्ट्रवादी युवक काँग्रेसचे अनेक कार्यकर्ते उपस्थित होते.