मागासवर्गीय मुला-मुलींसाठी शासकीय वसतिगृहांमध्ये प्रवेश प्रक्रिया सुरू
विदर्भ न्यूज एक्सप्रेस
प्रतिनिधी / नागपूर : सामाजिक न्याय व विशेष सहाय्य विभागांतर्गत नागपूर जिल्ह्यात कार्यान्वित असलेल्या शासकीय वसतिगृह व शासकीय निवासी शाळांमध्ये सन २०२३-२४ या शैक्षणिक सत्राकरिता प्रवेश प्रक्रिया सुरू करण्यात आली आहे.
शासकीय विभाग, कनिष्ठ महाविद्यालय, व्यावसायिक व अवसायिक अभ्यासक्रमात प्रवेशित विद्यार्थ्याकरिता सहाय्यक आयुक्त समाज कल्याण नागपूर या कार्यालयाच्या अधिनस्त असलेल्या मुला-मुलींच्या शासकीय वसतिगृहातील सन २०२३-२४ च्या रिक्त जागेकरिता वसतिगृह प्रवेश अर्ज भरण्याची प्रक्रिया १२ जूनपासून सुरू झालेली आहे. ज्या विद्यार्थी किंवा विद्यार्थिनींना शासकीय वसतिगृहात प्रवेश घ्यावयाचा आहे त्यांनी मागासवर्गीय मुलींचे शासकीय वसतिगृह, वसंतनगर, चोखामेळा परिसर, दीक्षाभूमी चौक येथून अर्ज प्राप्त करून विहित मुदतीत सादर करावा. अधिक माहितीसाठी सहाय्यक आयुक्त समाज कल्याण नागपूर या कार्यालयाशी संपर्क साधावा, असे आवाहन सहाय्यक आयुक्त सुकेशिनी तेलगोटे यांनी केले आहे.
News - Nagpur