महत्वाच्या बातम्या

स्वाधार योजनेचे अर्ज स्विकारण्यास ३० जून पर्यंत मुदतवाढ

विदर्भ न्यूज एक्सप्रेस
प्रतिनिधी / वर्धा : भारतरत्न डॉ. बाबासाहेब आंबेडकर स्वाधार योजनेचा लाभ मिळण्यासाठी अर्ज मागविण्यात आले होते. परंतु स्वाधार योजनेमार्फत देण्यात येणारा लाभ हा अनुसूचित जाती व नवबौध्द जातीतील विद्यार्थ्यांच्या शैक्षणिक उन्नतीसाठी देण्यात येत असल्याने विद्यार्थी स्वाधार योजनेपासुन वंचित राहू नये यासाठी अर्ज स्विकारण्यासाठी 30 जुन पर्यंत मुदतवाढ देण्यात आली आहे.

स्वाधार योजनेंतर्गत जिल्ह्यातील कनिष्ठ, वरीष्ठ व्यावसायिक व अव्यावसायिक अभ्यासक्रमाच्या महाविद्यालयात शिक्षण घेणाऱ्या तथा शासकीय वसतीगृहात प्रवेश न मिळालेल्या अनुसूचित जाती तथा नवबौध्द घटकातील विद्यार्थ्यांना पुढील शिक्षण घेण्याकरीता भोजन, निवास व इतर शैक्षणिक सुविधा स्वत: उपलब्घ करुन घेण्यासाठी आवश्यक रक्कम विद्यार्थ्यांच्या आधार संलग्न बँक खात्यात जमा करण्यात येते, असे समाज कल्याण सहाय्यक आयुक्त प्रसाद कुळकर्णी यांनी कळविले आहे.