महत्वाच्या बातम्या

 बल्लारपुरात बाळासाहेब आंबेडकर यांचा वाढदिवस अनोख्या पध्दतीने साजरा


- सर्वधर्मीय धर्मगुरू एकाच मंचावर


विदर्भ न्यूज एक्सप्रेस 
प्रतिनिधी / बल्लारपूर : वंचित बहूजन आघाडी चे संस्थापक अध्यक्ष प्रकाश उर्फ बाळासाहेब आंबेडकर यांचा वाढदिवस आज बल्लारपूर शहरात अनोख्या पद्धतीने साजरा करण्यात आला. यावेळी सर्वधर्मसमभाव या भावनेतून एकतेचा संदेश व सर्व धर्मीय धर्मगुरूंनी वाढदिवसाच्या आप आपल्या धर्म प्रथा परंपरा व विधीनुसार दीर्घायुष्याच्या कामना देण्यात आली.
वंचीत बहूजन आघाडी जिल्हा चंद्रपूर च्या वतीने जिल्हाध्यक्ष भूषण फुसे यांच्या नेतृत्वात बल्लारपूर शहरातील नगर परिषद चौकातील शिवाजी महाराजांच्या पुतळा परिसरात वंचित बहूजन आघाडीचे सर्वेसर्वा बाळासाहेब आंबेडकर यांच्या 69 व्या वाढदिवशी सर्वधर्म सामूहिक प्रार्थना सभा कार्यक्रमाचे आयोजन करण्यात आले. यावेळी मंचावर हिंदू, मुस्लिम, शीख, इसाई व बौद्ध धर्माच्या धर्मगुरूंची प्रामुख्याने उपस्थिती होती.
सर्वप्रथम छत्रपती शिवाजी महाराज व डॉ. बाबासाहेब आंबेडकर यांच्या पुतळ्याला माल्यार्पण करून कार्यक्रमाची सुरुवात झाली. त्यानंतर सर्व धर्मगुरूंनी आप-आपल्या धर्म पद्धतीनुसार बाळासाहेब आंबेडकर यांच्या दीर्घायुष्य व यशस्वीतेसाठी पूजा - अर्चना केली. पेढे वाटून वाढदिवस साजरा करण्यात आला.
यावेळी इसाई धर्माचे धर्मगुरू फादर श्याम मातंगी, सिख धर्माचे ग्यानी त्रिलोक सिंग, हिंदू धर्माचे पंडित बैद्यनाथ झा, मुस्लिम धर्माचे मौलाना फैजान रजा अब्दुल जब्बार शेख, बौद्ध धर्माचे भंते सूचित बोधी यांची विशेष उपस्थिती होती.
कार्यक्रमाचे सूत्रसंचालन शहर अध्यक्ष ओम रायपूरे, आभार प्रदर्शन शहर महासचिव उमेश कडू यांनी केले.
यावेळी वंचित बहूजन आघाडी चे जिल्हाध्यक्ष भूषण फुसे, ज्येष्ठ नेते रामदास चौधरी, रमेश लिंगमपल्लीवर, भगीरथ वाळके, सुशील मडावी, विश्वास देशभ्रतार, पराग जांभुळकर, भाले, निळकंठ पाटील, धम्मदीप वाळके, प्रियंकेश शिंगाडे, वंदना गेडाम, नम्रता साव, प्रज्ञा शेंडे आदी वंचित बहूजन आघाडीचे शेकडो महिला पुरुष कार्यकर्त्यांची उपस्थिती होती.





  Print






News - Chandrapur




Related Photos