महत्वाच्या बातम्या

 भारतामध्ये विवाहबाह्य डेटिंग ॲपच्या वापरात वाढ


विदर्भ न्यूज एक्सप्रेस 

वृत्तसंस्था / मुंबई : भारतात गेल्या काही वर्षांमध्ये डेटिंग ॲप्सच्या वापरामध्ये मोठी वाढ झाल्याचे दिसून येत आहे. महत्वाचे म्हणजे कोरोना विषाणू महामारीमध्ये विवाहबाह्य डेटिंग ॲप्सच्या वापराकडे लोकांचा कल दिसून आला.

आता फ्रान्सच्या विवाहबाह्य डेटिंग ॲप ग्लीडेनने सोमवारी जाहीर केले की त्यांचे जगभरात 10 दशलक्ष वापरकर्ते झाले आहेत. आश्चर्याची गोष्ट म्हणजे त्यापैकी 2 दशलक्ष युजर्स हे एकट्या भारतातील आहेत. सप्टेंबर 2022 पासून भारतीय वापरकर्त्यांमध्ये 11 टक्क्यांनी वाढ झाली आहे.

कंपनीने म्हटले आहे की, यातील बहुतेक नवीन युजर्सहे (66 टक्के) टियर 1 शहरांमधून आले आहेत, उर्वरित (44 टक्के) टियर 2 आणि टियर 3 शहरांमधून आले आहेत. ग्लीडेन हे विवाहित लोकांसाठी जगातील पहिले विवाहबाह्य संबंध डेटिंग ॲप आहे. हे ॲप 2009 मध्ये फ्रान्समध्ये लाँच करण्यात आले आणि 2017 मध्ये भारतात आले.

ग्लीडनचे भारताचे कंट्री मॅनेजर सिबिल शिडेल यांनी एका निवेदनात म्हटले आहे की, भारत असा देश आहे जिथे ॲपवरील वापरकर्त्यांची दिवसेंदिवस संख्या वाढत आहे. 2022 मध्ये 18 टक्क्यांहून अधिक नवीन वापरकर्ते हे ॲप वापरू लागले आहेत. डिसेंबर 2021 मध्ये ही संख्या 1.7 दशलक्ष होती, जी आता 2 दशलक्षांपेक्षा जास्त झाली आहे. 





  Print






News - Rajy




Related Photos