महत्वाच्या बातम्या

वरोरा शहरात नीलगायीचा धुमाकूळ

विदर्भ न्यूज एक्सप्रेस

प्रतिनिधी / वरोरा : वरोरा शहरातील कटारिया मंगल कार्यालयाच्या मागे असलेल्या वसाहतीमध्ये नीलगाय धुमाकूळ घालत असल्याची माहिती मिळाली.

सदर घटनेची माहिती वरोरा वन विभाग यांना मिळाली असता वन विभागाचे चमु तात्काळ घटनास्थळी पोहचले. त्यावेळी निलगा जखमी अवस्थेत होती. त्यामुळे पशुवैद्यकीय अधिकाऱ्यामार्फत उपचार करण्यात आले.

अशातच सध्या उन्हाळ्यात पाऊस येत आहे. तरी जंगलातील पाणवठ्यात पाणी नाही. त्यामुळेच जंगली जनावरे मानव वसाहती मध्ये प्रवेश करीत आहे. हे मागील कित्येक वर्षापासून सुरू आहे. वरोरा शहरात मागील कित्येक वर्षापासून मार्च महिन्यापासून बिबट, रानडुक्कर, नीलगाय, माकडे यांचा हौदल सुरू असते.

अशाप्रकारे वरोरा शहरातील कटारिया मंगल कार्यालयाच्या मागे असलेल्या चिरघर प्लॉटमध्ये ३० एप्रिल २०२३ रोजी दुपारच्या सुमारास नीलगाय धुमाकूळ करीत होती. सदरची माहिती वरोरा वनपरिक्षेत्र अधिकारी सतीश शेंडे यांना मिळाली असता त्यांनी आपल्या सहकार्यासह घटनास्थळ गाठले व नील गाईच्या पायाला जखम झाली होती तर पशुवैद्यकीय अधिकारी यांना पाचरण करून उपचार करण्यात आले.

वरोरा शहरात वन्य प्राण्यांचा धुमाकूळ असल्याने शहरातील नागरिकांमध्ये भीतीचे वातावरण निर्माण झाले आहे.