महत्वाच्या बातम्या

 गडचिरोली जिल्हा करिअर कट्टा नियोजन सभा संपन्न


विदर्भ न्यूज एक्सप्रेस 

प्रतिनिधी / आष्टी : महाराष्ट्र राज्य उच्चव तंत्र शिक्षण विभाग आणि महाराष्ट्र माहिती तंत्रज्ञान सहाय्यता केंद्र यांच्या संयुक्त विद्यमाने राज्यात सुरू असलेल्या करिअर कट्टा या अभिनव उपक्रमाच्या अनुषंगाने नियोजन सभेचे आभासी पद्धतीने आयोजन करण्यात आले. सभेच्या अध्यक्षस्थानी गडचिरोली जिल्हा प्राचार्य प्रवर्तक डॉ. ज्ञानेश्वर म्हशाखेत्री होते. सभेला जिल्हा समन्वयक डॉ. राजकुमार मुसने, तालुका समन्वयक डॉ. प्रदीप चाफले, डॉ. निलेश दुर्गे, डॉ. योगीराज उरकुडे, डॉ. कैलाश निखाडे, डॉ. निहार बोदाले, डॉ. राजेश सूर, डॉ. नंदगवळी, प्रा. गर्गम, प्रा. कुमार दुर्गे, प्रा. कोडपे, प्रा. कुंदन दुपारे यांच्यासह विविध महाविद्यालयातील करिअर कट्टा समन्वयक उपस्थित होते. 

प्राचार्य डॉ. ज्ञानेश्वर म्हशाखेत्री यांनी करिअर कट्टा या उपक्रमाविषयी सविस्तर माहिती सर्व समन्वयकांना दिले. १९ एप्रिलला करियर कट्ट्याचे राज्याचे समन्वयक यशवंत शितोळे यांचा दौरा आहे. त्या अनुषंगाने जिल्ह्यातील विविध महाविद्यालयांना भेटी देण्यासंदर्भातली चर्चा करण्यात आली. जिल्हा समन्वयक, तालुका समन्वयक व महाविद्यालय समन्वयकांच्या अडचणी जाणून घेतल्या आणि त्यांना मार्गदर्शन केले. जिल्ह्यात करियर कट्टा संदर्भात अधिकाधिक विद्यार्थ्यांची नोंद करण्याकरिता जिल्हा समन्वयक डॉ. राजकुमार मुसणे  यांनी सर्वांना आवाहन केले. सर्व महाविद्यालय समन्वयक व तालुका समन्वयक यांनी सहकार्य केले.





  Print






News - Gadchiroli




Related Photos