रस्ता अपघातात दुचाकी चालकाचा जागीच मृत्यू


विदर्भ न्यूज एक्सप्रेस 
तालुका प्रतिनिधी / सडक अर्जुनी : 
अर्जुनी मोर  ते झरपडा मार्गावर झालेल्या दुचाकी व झायलो कारच्या अपघातात दुचाकी चालक जागीच ठार झाल्याची घटना आज  १६ डिसेंबर रोजी  सायंकाळी साडेचार ते पाच च्या  दरम्यान झरपडा येथील वळणावर घडली.    माणिक दुधराम नाकाडे बोंडगाव देवी (४५) असे मृतकाचे नाव आहे. 
झायलो  वाहन चालक वाहनासह फरार झाला आहे  मृतक हा बोंडगाव देवी वरून काल १५ डिसेंबर रोजी आपली सासुरवाडी धाबे टेकडी येथे कार्यक्रमासाठी पत्नी एक मुलगा,  मुलगी यांना घेऊन दुचाकीने गेला होता.  आज सायंकाळी साडेचार ते पाचच्या दरम्यान धाबे टेकडीवरून बोंडगाव देवी ला परत येत असताना ही दुर्घटना झरपडा नाल्याजवळ घडली.  टक्कर मारणारी झायलो गाडी तिथून पळाली.  या दुर्घटनेत पत्नी व मुलगा व मुलगी जखमी झाली आहे.  तिघेही स्थानिक ग्रामीण रुग्णालयात उपचार घेत आहेत.  गंभिर जखमी महिलेचे नाव गिता माणीक नाकाडे (३८)  तर जखमी मुलाचे नाव लोकेश माणीक नाकाडे (१३), डिंपल माणीक नाकाडे (११) आहे.  तिनही जखमींना जिल्हा सामान्य रुग्णालय भंडारा येथे तातडीने हलविण्यात आले.



  Print






News - Gondia | Posted : 2018-12-16






Related Photos