महत्वाच्या बातम्या

मुख्यमंत्री एकनाथ शिंदे उद्या भंडारा जिल्ह्याच्या दौऱ्यावर

विदर्भ न्यूज एक्सप्रेस

प्रतिनिधी / भंडारा : राज्याचे मुख्यमंत्री ना. एकनाथ शिंदे हे उद्या 12 नोव्हेंबर रोजी भंडारा जिल्ह्याच्या दौऱ्यावर येत असून त्यांचा दौरा कार्यक्रम पुढीलप्रमाणे आहे.

दुपारी 12 वाजून 20 वाजता गोसेखुर्द धरण हेलिपॅड ता. पवनी येथे आगमन व गोसेखुर्द जलपर्यटन तथा प्रकल्पाची पाहणी व सादरीकरण येथे उपस्थिती. दुपारी 1 वाजून 20 वाजता गोसेखुर्द धरण हेलिपॅड येथून हेलिकॉप्टरने एम.आय.टी. शहापूर हेलिपॅड येथे प्रयाण व दुपारी 1 वाजून 40 वाजता शासकीय विश्रामगृह, भंडारा येथे आगमन व राखीव.

दुपारी 2 वाजता नाशिक नगर बुध्द विहार येथे ई-लायब्ररीचे लोकार्पण व शहीद स्मारक येथे बगिचा सौंदर्यींकरणाचे भुमीपूजन कार्यक्रमाला उपस्थिती. दुपारी 2 वाजून 20 वाजता मुस्लीम लायब्ररी चौक येथे नगर परिषद गांधी विद्यालय इमारतीचे भुमीपूजन कार्यक्रमाला उपस्थिती. दुपारी 2 वाजून 35 वाजता ते 3 वाजेपर्यंत खातरोड, रेल्वे मैदान, माधवनगर येथे खामतलाव, नगर परिषद येथील सौंदर्यीकरण कार्यक्रमाचे उद्घाटन व भुयारी गटार योजनेतील कामाचे भुमीपूजन कार्यक्रमाला उपस्थित.

दुपारी 3 वाजून 10 वाजता खासदार सुनिल मेंढे यांच्या निवासस्थानी सदिच्छा भेट, दुपारी 3 वाजून 30 वाजता खातरोड रेल्वे मैदान, माधवनगर येथे जाहीर सभेस उपस्थिती व 4 वाजून 45 वाजता एम.आय.टी. शहापूर हेलिपॅड भंडारा येथून हेलिकॉप्टरने नागपूरकडे प्रयाण करतील.