मासळ (बुज) - मानेमोहाळी परिसरात वाघाची दहशत, शेळीची केली शिकार


विदर्भ न्यूज एक्सप्रेस 
सचिन जिवतोडे / मासळ(बुज) : 
चिमुर तालुका  मुख्यालयापासून १५ किमी अंतरावर असलेल्या व ताडोबा अंधारी व्याघ्र प्रकल्पाच्या पायथ्याशी असलेल्या मासळ(बुज)- मानेमोहाळी परिसरात वाघाची दहशत पसरलेली आहे . आज दुपारच्या सुमारास मासळ (बुज) येथील अरून जिवतोडे नामक युवक हा शेळया चारण्याकरीता  मानेमोहाळी-पळसगाव या मार्गाला  शेत शिवरात गेला असता घात लाउन बसलेल्या वाघाने शेळी वर हल्ला करून शेळीची शिकार केली. शेळी मालकाचे नाव अदयापही कळलेले नाही.  परंतु त्या शेळीने दोन दिवसा अगोदर दोन पिल्लांना जन्म दिला होता.
मिळालेल्या माहिती नुसार असे वर्तविल्या जात आहे की,  या परिसरात एक मादी वाघ व पिल्ले आहे आणि ते त्या परिसरात काही दिवसापासुन फिरत आहे. मानेमोहाळी या बस स्टाप फाटा वर त्या वाघीनीचे व तिच्या पिल्लांचे  आज सकाळच्या सुमारास पायाचे ठसे नागरिकांना पहावयास मिळालेले आहे. तरी त्या परिसरात असणार्‍या नागरिकात दहशतिचे वातावरण निर्माण झाले आहे. या परिसरातील नागरिक शेत काम करण्याकरीता शेतावर जात असतात आणि आता पेरणीचा हंगाम सूरू झाला आहे तसेच या त्या परिसरातील नागरीक गुरे चारण्याकरीता आपल्या शेतात जात असतात त्यातच अशाप्रकारच्या घटना दिवसेंदिवस घडत आहे. आज शेळीची शिकार केली उदया इसमाची शिकार होईल हे नाकारता येत नाही आणि या परिसराला लागुनच ताडोबा अंधारी व्याघ्र प्रकल्प आहे त्यामुळे या परिसरात वाघांची धाव गावाकडे होत आहे व त्या परिसरात कापूस जास्त प्रमाणात लावण्यात येते आणि महिला कापूस काढण्याकरीता जात असतात कापसाचे झाड हे उंच असतात . त्यामुळे जर वाघ कापसाच्या झाडामघ्ये घात लाउन लपुन बसल्यास अनुचीच घटना घडू शकते.   त्यामुळे याकडे वन विभागाने लक्ष देउन या परिसरात असणार्‍या वाघाला जेरबंद करण्यात यावे अशी मागणी नागरिकांकडून होत आहे.   



  Print






News - Chandrapur | Posted : 2018-12-11






Related Photos