महत्वाच्या बातम्या

 शेतीच्या वादावरुन जिवे ठार मारणाऱ्या आरोपीस जन्मठेप व २५ हजार रु. दंडाची शिक्षा


विदर्भ न्यूज एक्सप्रेस 

प्रतिनिधी / गडचिरोली : शेतीच्या वादावरुन जिवे ठार मारणाऱ्या घटना घडली आहे. यातील मृतक राजक्का व्यंकटी बोल्हे (५०) रा. रेगुंटा ता. सिरोंचा व तिचे दोन सुना ०३ नोव्हेंबर २०२१ ला आपल्या शेतात मुंग पेरणीचे काम करीत असताना त्याच गावातील आरोपी समय्या अंकलु दुर्गम व त्याची पत्नी लक्ष्मी अंकलु दुर्गम हे त्यांच्या शेतात कुऱ्हाड घेवुन आले. त्यांना म्हणाला की, ही जमिन माझी आहे, असे बोलला असता फिर्यादीची सासु त्यास म्हणाली की, ही जमिन आमची आहे. आम्ही पैसे देवून विकत घेतली आहे. असे बोलली असता समय्या दुर्गम हा त्याच्या हातातील कुऱ्हाड घेवून सासूच्या अंगावर धावून आला व कुऱ्हाडीने डोक्यावर, छातीवर मारल्याने ती खाली पडली तेव्हा गळ्यावर कुऱ्हाडीने वार केला. त्यावेळी मोनिका सासुला वाचविण्याकरीता आडवी आली, असता मोनिकाच्या डोक्यावर व कमरेवर कुऱ्हाडीने वार केला. मोनिका सुद्धा खाली पडली तेव्हा ही घटना पाहून फिर्यादी आपला जिव वाचविण्याकरीता तेथून पळत असतांना समस्या दुर्गमच्या पत्नीने फिर्यादीचा पाठलाग करून तिला सुद्धा मारहाण केली ती कशीतरी त्यांच्या तावडीतुन सुटून रोडवर आली व गावात जावुन चडलेली सर्व हकिकत सासरे व्यंकटी बोल्हे यांना सांगीतली व पोलीस स्टेशन रेगुंठा येथे जावून सदर घटनेचाचत रिपोर्ट दिले.

फिर्यादी राजेश्वरी सडवली बोल्हे, यांनी दिलेल्या तक्रार वरून आरोपी विरोधात उप पोस्टे रेगुंठा अप क्र. ०६/२०१९ कलम ३०२, ३०७, ३२३, १०९, ५०६ भादवी अन्वये गुन्हा नोंद करण्यात आला.

पोलीस यंत्रणेने कौशल्यपूर्ण तपास करून आरोपी विरुद्ध सबळ पुरावा मिळून आल्याने न्यायालयात से. के. क्र. २३/२०२० अन्वये दोषारोप पत्र दाखल करण्यात आले. फिर्यादी व ईतर साक्षीदारांचे बयाण तसेच सरकारी पक्षाचा युक्तीवाद न्यायालयाने ग्राह्य धरून ०२ मार्च २०२३ रोजी आरोपी समय्या अंकलु दुर्गम (४६) रा. रेगुंठा ता. सिरोंचा याला प्रमुख जिल्हा व सत्र न्यायाधीश उदय शुक्ल गडचिरोली यांनी कलम ३०२ भादंवि मध्ये जन्मठेप व २५ हजार रुपये दंडाची शिक्षा ठोठावण्यात आली.

सरकार पक्षातर्फे सहा. जिल्हा सरकारी वकील एस. सु. कुंभारे यांनी कामकाज पाहिले तसेच गुन्हाचा तपास पोउपनि / बाळासाहेब सूर्यवंशी उपपोस्टे रेगुंठा यांनी केले आहे. तसेच संबंधीत प्रकरणात साक्षदारांशी समन्वय साधुन प्रकरणाची निर्गती करीता कोर्ट पैरवी अधिकारी व कर्मचारी यांनी खटल्याच्या कामकाजात योग्य भूमीका पार पाडले.





  Print






News - Gadchiroli




Related Photos