महत्वाच्या बातम्या

सोनापूर येथे तालुका स्तरीय क्रीडा स्पर्धा संपन्न

विदर्भ न्यूज एक्सप्रेस
तालुका प्रतिनिधी / चामोर्शी : नेहरू युवा केंद्र गडचिरोली व बिरसा मुंडा युवा मंडळ सोनापूर यांच्या वतीने 11 व 12 फेब्रुवारी 2023 या दोन दिवसीय तालुकास्तरीय क्रीडा स्पर्धेचे आयोजन करण्यात आले होते. कार्यक्रमाला उद्घाटक म्हणून डॉ. सुरपाम वैद्यकीय अधिकारी आमगाव (म.) अध्यक्ष म्हणून रमेश बारसागडे माजी कृषी सभापती जिल्हा परिषद गडचिरोली हे होते. नेहरू युवा केंद्र गडचिरोली कडून दरवर्षी तालुका स्तरीय क्रीडा स्पर्धा आयोजित केली जाते. 2023 या चालू वर्षाची स्पर्धा चामोर्शी तालुक्यातील सोनापूर येथे घेण्यात आली.

नेहरू युवा केंद्र गडचिरोली कडून विजेत्या खेळाडूला टी- शर्ट, प्रमाणपत्र, मेडल व ट्रॉफी बक्षिसे देण्यात आले व मंडळाकडून रोख रक्कम बक्षीस म्हणून देण्यात आले. व्हॉलीबॉल या खेळाचे प्रथम बक्षीस चामोर्शी संघ तर द्वितीय वालसरा संघास मिळाले. कबड्डी या खेळाचे प्रथम बक्षीस चामोर्शी संघ, द्वितीय बक्षीस सोनापूर संघास मिळाले , खो-खो या खेळाचे प्रथम बक्षीस सोनापूर संघ तर द्वितीय सोनापूर संघास मिळाले, रनिंग मुले या स्पर्धेचा प्रथम क्रमांक साईनाथ टेकाम द्वितीय महेंद्र तेकाम तर तृतीय क्रमांक गणेश दोमटवार, रनिंग मध्ये प्रथम क्रमांक प्रियंका खुशाल सूरजागडे, द्वितीय अर्चना सातार तर तृतीय क्रमांक तेजस्विनी मोगरकर हिचा आला.

स्पर्धेचे बक्षीस वितरण 12 फेब्रुवारी 2023 ला करण्यात आले. यावेळी कार्यक्रमाला उदघाट्क व मुख्य वितरक म्हणून मधुकर भांडेकर माजी कृषी सभापती जिल्हा परिषद गडचिरोली, कार्यक्रमाला अध्यक्ष व सहवितरक म्हणून सुभाष कोठारे, प्रमुख अतिथी म्हणून शेषराव कोहळे उपसरपंच ग्रा.पं. सोनापुर, यादव कुकडकर माजी सरपंच सोनापूर, अमोल गटलेवार इंडियन आर्मी हे उपस्थित होते.

नेहरू युवा केंद्र गडचिरोलीचे जिल्हा युवा अधिकारी अमित पुंडे यांनी आयोजकाचे आभार मानले व विजेत्या संघाला जिल्हा स्तरीय क्रीडा स्पर्धेत नव्या जोशाने भाग घेण्याकरिता प्रोत्साहीत केले. स्पर्धेचे आयोजक बिरसा मुंडा युवा मंडळ सोणापुरचे अध्यक्ष चलाख, सचिव प्रशांत टेकाम यांनी स्पर्धा यशस्वीरित्या पार पाडली व नेहरू युवा केंद्र चामोर्शी तालुका प्रमुख लुकेश सोमणकर यांनी विशेष सहकार्य केले.