महत्वाच्या बातम्या

देवनगर येथील गंभीर रोगाने पीडिताला माजी राज्यमंत्री राजे अम्ब्रिशराव आत्राम यांच्या कडून आर्थिक मदत

विदर्भ न्यूज एक्सप्रेस
तालुका प्रतिनिधी /मूलचेरा : तालुक्यातील विवेकानंदपूर ग्रामपंचायत अंतर्गत येणाऱ्या देवनगर येथील अंजन बिश्वास हे गेल्या एक वर्षांपासून किडनीच्या आजाराने त्रस्त होते आणि त्यांची आर्थिक परिस्थिती अत्यंत नाजूक असल्याने ते संकटात सापडले होते आणि त्यांना उपचारासाठी आर्थिक अडचण होती,ही बाब माजी राज्यमंत्री तथा अहेरी इस्टेटचे दानशूर राजे अमरिशराव आत्राम यांच्या लक्षात आली आणि त्यांनी आपल्या दानविर स्वभावाने देवनगर येथील अंजन बिश्वास या किडनी आजाराने पीडित व्यक्तीला आर्थिक मदत म्हणून १० हजार रुपये दिले आणि पुन्हा सर्वतोपरी सहकार्य करण्याचे आश्वासन सुध्दा दिले.
आपण आपल्या क्षेत्रातील प्रत्येक व्यक्तीच्या अडी अडचणीत आणि त्यांच्या संकटात त्यांना मदत करण्यासाठी सदैव तत्पर आहोत,असे मत राजे अमरिशराव आत्राम यांनी त्यावेळी दिले,यावेळी विवेकानंद पूर ग्रामपंचायत उपसरपंच तपन मलिक,प्रशांत बिश्वास, सुकुमार गायली,आनंद बिश्वास,परितोष सरकार,अमर दास आणि देवनगर येथील गावकरी उपस्थित होते.