सात दारुड्या वाहन चालकांकडून दंड वसूल : आरमोरी पोलिसांची कारवाई


विदर्भ न्यूज एक्सप्रेस 
 प्रतिनिधी / ठाणेगाव (आरमोरी) :
जिल्ह्यात अपघाताचे प्रमाण वाढले असून त्याला कारणीभूत मद्यपी आहेत. त्यांचे कासरे आवळण्यासाठी आरमोरी पोलिसांनी उपाययोजना केली असून शहरात मुख्य रस्त्यांवर नाकाबंदी करून तपासणी केली जात आहे . गेल्या महिण्यापासुन ७ मद्यपीवर कारवाई करून त्यांच्याकडून दंड वसूल करण्यात आले आहे . 
आरमोरी शहरात गेल्या महिण्यापासुन दारू पिवुन वाहन चालविण्यारे विरुद्ध वेळोवेळी नाकाबंदी करुन ७ मोटार वाहन चालकाविरुद्ध कारवाई करण्यात आली व त्यांचे प्रकरण  न्यायालयात पाठविण्यात आले असता न्यायालयाने त्यांच्यावर एकुण १८५०० रुपयाचा दंड आकारला आहे . यावर आळा घालण्यासाठी शहरात  नियमीत नाकाबंदी करण्यात येणार असून  दारु पिवुन वाहन चालवितांना आढळल्यास त्यांच्यावर वेवेगवेगळ्या कलमान्वये ७४ केसेस वरुन २८,३०० रुपयांचा दंड मागील महिण्यात वसुल करण्यात आला. असा एकुण ४६ हजार ८०० रुपयांचा दंड वसूल करण्यात आलेला आहे . 
सदर कारवाई पोलीस निरीक्षक अजित राठोड यांच्या मार्गदर्शनात नापेशि गोपाल जाधव, पोशि संदीप भैसारे व पथकाने केली आहे.   



  Print






News - Gadchiroli | Posted : 2018-10-28






Related Photos