महत्वाच्या बातम्या

 हुंडाप्रकरणात पतीच्या दुरच्या नातेवाईकांवरही गुन्हा दाखल होऊ शकतो : उच्च न्यायालयाचा आदेश


विदर्भ न्यूज एक्सप्रेस 

प्रतिनिधी / नागपूर : हुंड्यासाठी छळाच्या एका प्रकरणात सुनावणीदरम्यान मुंबई उच्च न्यायालयाच्या नागपूर खंडपीठाकडून महत्त्वपूर्ण आदेश जारी करण्यात आला आहे. हुंड्यासाठी पत्नीचा छळ झाल्यास पतीच्या दुरच्या नातेवाईकांवरही गुन्हा दाखल होऊ शकतो, असे न्यायालयाने आपल्या आदेशात म्हटले आहे.

अशाच एका प्रकरणात नातेवाईकांवर दाखल करण्यात आलेला गुन्हा रद्द करण्यासाठी न्यायालयात याचिका दाखल करण्यात आली होती. या प्रकरणावर सुनावणी करताना न्यायलयाने गुन्हा रद्द करण्यास नकार दिला आहे. तसेच अनेकवेळा दुरचे नातेवाईक देखील पती-पत्नीच्या जीवनात हस्तक्षेप करतात असे निरीक्षणही न्यायालयाने नोंदवले आहे. न्यायालयाने नेमके काय म्हटले? न्यायालयाने या प्रकरणात आदेश देताना पुढे असे म्हटले आहे की, कलम ४९८ए  अंतर्गत हुंड्यासाठी छळाच्या प्रकरणात पती, पत्नीपासून दूर राहणाऱ्या नातेवाईकांवर देखील गुन्हा दाखल होऊ शकतो.

न्यायमूर्ती सुनील शुक्रे आणि न्यायमूर्ती गोविंद सानप यांच्या खंडपीठाने हा निर्णय दिला आहे. मुंबई उच्च न्यायालयाच्या नागपूर खंडपीठात हुंड्यासाठी छळप्रकरणात पतीच्या नातेवाईकांवर दाखल करण्यात आलेला गुन्हा रद्द करण्यात यावा यासाठी ही याचिका दाखल करण्यात आली होती. यावर सुनावणी करताना न्यायालयाने हा आदेश दिला आहे.

नागपुरात सुरू होतोय भन्नाट उपक्रमन्यायालयाचे महत्त्वपूर्ण निरीक्षण पती त्याच्या पत्नीसोबत एकटाच राहातो. पतीचे आई-वडील, बहिण आणि इतर नातेवाईक दूर राहातात, त्यामुळे या प्रकरणात त्यांच्यावर दाखल करण्यात आलेला गुन्हा रद्द करण्यात यावा, अशी मागणी हायकोर्टात करण्यात आली होती. मात्र गुन्हा रद्द करण्यास हायकोर्टाने नकार दिला आहे. अनेकवेळा दुरचे नातेवाईक देखील पती-पत्नीच्या जीवनात हस्तक्षेप करतात, असे निरीक्षण न्यायालयाने या प्रकरणात नोंदवले आहे.





  Print






News - Nagpur




Related Photos