Petrol Price
चारित्र्याच्या संशयावरून हैवान नराधमाने केली पत्नीची हत्या
- संसाराची राखरांगोळी; वैद्यकीय अहवालाने फुटले बिंग
विदर्भ न्यूज एक्सप्रेस
प्रतिनिधी / नागपूर : पत्नीच्या चारित्र्यावर संशय घेऊन तिला बेदम मारहाण केल्याने तिचा मृत्यू झाल्याची घटना कपिलनगर पोलिस ठाण्याच्या हद्दीत गुरुवारी रात्री घडली. लक्ष्मी रोशन शहाकार ३६ वर्षे असे मृत महिलेचे नाव असून, रोशन किशोर शहाकार ४२ वर्षे असे आरोपी पतीचे नाव आहे. वैद्यकीय अहवालात मारहाणीमुळे मृत्यू झाल्याचे स्पष्ट झाल्यानंतर पोलिसांनी रोशनला हत्येच्या आरोपाखाली अटक केली.
रोशनने २००६ मध्ये एका व्यक्तीची हत्या केली होती. या गुन्ह्याच्या सुनावणीदरम्यान तो जामिनावर बाहेर आला होता. त्यावेळी नात्यातील लक्ष्मीशी त्याचे प्रेमसंबंध जुळले आणि पुढे दोघांनी विवाह केला. त्यांना तीन आणि सात वर्षांची दोन मुले आहेत. संबंधित हत्या प्रकरणातून दोषमुक्त झाल्यानंतर रोशन आरटीओ एजंट म्हणून काम करू लागला, अशी माहिती.
दोन चिमुकले निराधार -
आईच्या मृत्यूमुळे तीन आणि सात वर्षाच्या दोन मुलांवरील मायेचे छत्र हरपले आहे. वडिलांना अटक झाल्याने या चिमुकल्यांवरही संकट ओढवले आहे. या घटनेमुळे परिसरात हळहळ व्यक्त होत आहे. पोलिसांनी दिली. दरम्यान, रोशन पत्नीच्या चारित्र्यावर संशय घेऊन तिच्याशी वारंवार वाद घालत होता.
गुरुवारी रात्रीही त्याने वाद घालून लक्ष्मीला जाडसर वस्तूने बेदम मारहाण केली. तिची प्रकृती बिघडल्याने त्याने तिला मेयो रुग्णालयात दाखल केले. मात्र, उपचारादरम्यान तिचा मृत्यू झाला. सुरुवातीला पोलिसांनी अकस्मात मृत्यूची नोंद केली होती. पोलिसांनी रोशनला अटक केली आहे.
