महत्वाच्या बातम्या

वं. तुकडोजी महाराज विचारमंचतर्फे विजेत्या विद्यार्थ्यांना बक्षीस वितरण

- सावित्रीबाई फुले जयंती साजरी

विदर्भ न्यूज एक्सप्रेस

तालुका प्रतिनिधी / सिंदेवाही : वं. राष्ट्रसंत तुकडोजी महाराज विचारमंच सिंदेवाही, बहुजन विदयार्थी फेडरेशन सिंदेवाही व बहुजन समाज पार्टी तालुका सिंदेवाहीच्या वतीने विद्येची स्फूर्तीनायिका सावित्रीबाई फुले यांच्या जीवनावर आधारित सिंदेवाही तालुक्यातील शालेय ते महाविद्यालयीन विद्यार्थ्यासाठी सावित्री फुले जीवन परीक्षा आयोजीत करण्यात आली होती. या परीक्षेतील प्रथम, द्वितीय व तृतीय विजेत्या विदयार्थ्याना रोख पुरस्कार व प्रमाणपत्र यांचे प्रमुख अतिथींच्या हस्ते नुकतेच वितरण करण्यात आले .

या तालुकास्तरीय परीक्षेत संध्या सुभाष गुरनुले सर्वोदय महाविद्यालय सिंदेवाही, तनु रमेश शेंडे महात्मा फुले कनिष्ठ महाविद्यालय तळोधी व गौरी गजानन निकुरे जिल्हा परिषद प्राथमिक शाळा भेंडाळा या शाळेच्या विदयार्थ्यांनी अनुक्रमे सावित्रीबाई फुले प्रथम पुरस्कार, बिरसा मुंडा व डा. बाबासाहेब आंबेडकर तृतीय पुरस्कार प्राप्त केले .

या बक्षिस वितरण कार्यक्रमाचे अध्यक्ष सरपंच राजू बन्सोड भेंडाळा होते. तर प्रमुख अतिथी बामसेफचे विजय रामटेके सिंदेवाही, बहुजन विदयार्थी फेडरेशनचे प्रा. भारत मेश्राम व वं. तुकडोजी महाराज विचारमंचच्या अध्यक्षा अस्मिता बन्सोड आदी उपस्थित होते .