चंद्रपूर : पाच मोर मृतावस्थेत आढळल्याने वनविभागात खळबळ
विदर्भ न्यूज एक्सप्रेस
प्रतिनिधी / चंद्रपूर : बल्हारशाह वनपरिक्षेत्रा अंतर्गत येणाऱ्या कारवा वनपरिक्षेत्रात वन कर्मचारी गस्त घालत असताना त्यांना पाच मोर मृतावस्थेत आढळून आले आहेत. या घटनेने वनविभागात खळबळ उडाली आहे.
मोरांच्या मृत्यू नेमका कसा झाला याचा तपास आता वनविभाग करीत आहे.
जिल्ह्यात वन्यजीवांच्या मृत्यूचे सत्र सुरू आहे. मागील महिन्यात सहा वाघांचा मृत्यू झाला होता. याचा विसर अद्याप झालेला नसताना पाच मृत्तावस्थेत आढळून आले आहेत. बल्हारशाह वनपरिक्षेत्रा अंतर्गत येणाऱ्या कारवा जंगलात वन कर्मचारी गस्त करीत असताना कक्ष क्रमांक 500 मध्ये हे मोर मृतावस्थेत दिसून आलेत. मोरांचा मृत्यू नेमका कशामुळे झाला? हे अद्याप स्पष्ट झालेले नाही. वन विभागाने मोर आढळून आलेल्या परिसराची पाहणी केली.लगतच्या जलाशयातील पाण्याचे नमुने घेतलेत. संविच्छेदनाचा अहवाल आल्यावरच मोरांच्या मृत्यूचे खरे कारण समोर येणार आहे.
मांसासाठी मोराची शिकार केली जाते. जिल्ह्यात मोराचा शिकारीच्या घटना यापूर्वीही घडलेल्या आहेत. एकाच वेळेस पाच मोरांचा मृत्यू झाल्याने शिकारीचा संशय वाढला आहे.
News - Chandrapur