वंजारी समाजाच्या वतीने लोकनेते गोपीनाथ मुंडे यांची जयंती साजरी
विदर्भ न्यूज एक्सप्रेस
तालुका प्रतिनिधी / आरमोरी : श्री बंजारी माता संस्थान व वंजारी समाज आरमोरी यांच्या संयुक्त विद्यमाने लोकनेते स्वर्गीय गोपीनाथ मुंडे यांची जयंती संस्थेच्या कार्यालयात साजरी करण्यात आली. याप्रसंगी गोपीनाथजी मुंडे यांच्या प्रतिमेचे पूजन करण्यात आले.
याप्रसंगी संस्थेचे कोषाध्यक्ष आनंदकुमार हेमके, अध्यक्ष राजेंद्र धात्रक, योगेश कापकर यांनी गोपीनाथ मुंडे यांच्या जीवनावर प्रकाश टाकला व त्यांनी बहुजन समाजासाठी केलेल्या कार्याबद्दल माहिती दिले.
सदर जयंती कार्यक्रमाला संस्थेचे उपाध्यक्ष दिलीप हेमके, संचालक संजय हेमके, स्वप्नील धात्रक, विवेक आखाडे, पवन हेमके, संजय कापकर, दुर्गदास कापकर, शैलेश कापकर, आशिष हेमके, बाबा धात्रक व बहुसंख्य समाज बांधव उपस्थित होते. कार्यक्रमाचे संचालन व आभार प्रदर्शन संस्थेचे सचिव सतीश धात्रक यांनी केले.
News - Gadchiroli