महत्वाच्या बातम्या

 मुंबई इंटरनॅशनल एयरपोर्ट येथे हस्तलिखित बोर्डिंग पास


विदर्भ न्यूज एक्सप्रेस 

वृत्तसंस्था / मुंबई : मुंबईत सुरू असलेल्या मेट्रो रेल्वेच्या कामादरम्यान विमानतळावरील संगणकांना इंटरनेट सेवा देणारी डेटा केबल तुटल्यामुळे मुंबई आंतरराष्ट्रीय विमानतळावरील संगणक १ नोव्हेंबरला सुमारे दोन तास बंद पडले. त्यामुळे टी-२ टर्मिनलवर निव्वळ गोंधळाची स्थिती होती. 

संगणकच बंद पडल्यामुळे मुंबईबाहेर प्रवास करणाऱ्या प्रवाशांना बोर्डिंग पास मिळू शकला नाही. तसेच त्यांचे सामानही विमानापर्यंत पोहोचू शकले नाही. परिणामी शेकडो प्रवाशांचा खोळंबा झाला. प्रवाशांची गर्दी वाढू लागल्यानंतर काही विमान कंपन्यांनी आपल्या प्रवाशांना हस्तलिखित बोर्डिंग पास देण्यास सुरुवात केले. दरम्यान, सांयकाळी ६.३५ च्या दरम्यान बिघाड दुरुस्त झाला असून सेवा पूर्ववत झाल्याची प्रतिक्रिया मुंबई इंटरनॅशनल एयरपोर्टच्या प्रवक्त्यांनी दिले. दिल्लीनंतर देशात मुंबई विमानतळ हे देशातील दुसऱ्या क्रमांकाचे सर्वात व्यस्त असणारे विमानतळ आहे.

सूत्रांच्या माहितीनुसार, सायंकाळी ४.३० च्या दरम्यान मुंबईच्या छत्रपती शिवाजी महाराज आंतरराष्ट्रीय विमानतळावर बोर्डिंग पास जारी करणारे आणि चेकइन करणारे सर्व संगणक अचानक बंद पडले. सुरुवातीला कारण नसमजल्यामुळे गोंधळाचे वातावरण निर्माण झाले.

इंटरनेट केबल तुटल्यामुळे हा प्रकार घडल्याची माहिती पुढे आली. मात्र, बोर्डिंग आणि चेकइन या दोन्ही सुविधा ठप्प झाल्यामुळे प्रवासी अडकले आणि परिणामी त्यांना ज्या विमानांनी प्रवास करायचा होता त्यांचा प्रवासही जवळपास दीड ते दोन तास विलंबाने सुरू झाला. 

तांत्रिक समस्या उद्भवल्यानंतर पुढील विलंब टाळण्यासाठी विमान कंपन्यांनी आपल्या प्रवाशांना हस्तलिखित बोर्डिंग पास देण्यास सुरुवात केले. यामुळे मोठी रांग लागलेली होती.





  Print






News - Rajy




Related Photos