महत्वाच्या बातम्या

प्रलंबित वेतन देयकांना प्रशासकीय मान्यतेसह अनुदान उपलब्ध करून द्या

- विदर्भ माध्यमिक शिक्षक संघटनेने माध्यमिक शिक्षणाधिकारी मार्फत शिक्षण आयुक्ताकडे केली मागणी

विदर्भ न्यूज एक्सप्रेस

प्रतिनिधी / गडचिरोली : जिल्ह्यातील खाजगी अनुदानित शाळांतील शिक्षक शिक्षकेतर कर्मचाऱ्यांची वैद्यकीय परिपूर्ती देयके अनुदाना अभावी प्रलंबित आहेत. तसेच जवळपास मागील तीन ते चार वर्षापासून खाजगी अनुदानित तसेच अंशत: अनुदानित शाळांतील शिक्षक व शिक्षकेतर कर्मचाऱ्यांची एरियर्स देयके सुद्धा प्रलंबित आहेत.

प्रलंबित असलेल्या एरियर्स देयकांना वेतन पथक कार्यालय, शिक्षण उपसंचालक कार्यालय व नंतर संचालक कार्यालय अश्या कठीण टप्पा पार करून प्रशासकीय मान्यता देण्यात येते. व त्यानंतरच ही देयके संबंधित कर्मचाऱ्यास प्राप्त होतात. परंतु प्रत्येक वेळी असा अनुभव आहे. की प्रशासकीय मान्यता मिळूनही अनुदान उपलब्ध नसल्याच्या कारणामुळे देयके प्रलंबित राहतात. व आर्थिक वर्ष उलटले की पुन्हा त्या देयकांना प्रशासकीय पुनर्मान्यतेच्या क्लिष्ट प्रक्रियेस सामोरे जावे लागते. यामुळे सदर कर्मचाऱ्याला नाहक त्रास सहन करावा लागतो. वारंवार केल्यामुळे आर्थिक त्रास सुद्धा सहन करावा लागतो. प्रशासकीय मान्यतेसाठी प्रलंबित असलेल्या देयकांना मान्यता प्रदान करून अनुदान उपलब्ध करून द्यावे. व एकदा प्रशासकीय मान्यता मिळाल्यास पुन्हा मान्यता घेण्यापासून सूट द्यावी. अशी निवेदनातून मागणी विदर्भ माध्यमिक शिक्षक संघटनेचे जिल्हा कार्यवाह अजय लोंढे यांनी माध्यमिक शिक्षणाधिकारी वैभव बारेकर मार्फत शिक्षण आयुक्तांना निवेदनातून मागणी केली.

यावेळी शेमदेव चाफ़ले, अजय वर्धलवार, नरेंद्र भोयर, मनोज निंबार्ते, यादव बानबले, सुरज हेमके, संजय घोटेकर, सतीश धाईत, संदीप अर्जुनकर, किशोर पाच, प्रकाश माटे, घनश्याम चिंचोळकर, सुनील वाघाडे आधी विदर्भ माध्यमिक शिक्षक संघटनेचे पदाधिकारी उपस्थित होते.