महत्वाच्या बातम्या

प्रशासनाच्या दुर्लक्षा मुळे सागर गभने यांनी बसविले स्वखर्चातून विद्युत दिवे

विदर्भ न्यूज एक्सप्रेस
प्रतिनिधी / भंडारा : गांधी नगर तुमसर येथील बुद्ध विहारच्या समोरील B 300 विद्युत खांबावर लाईटची व्यवस्था नसल्यामुळे तेथून ये-जा करताना नागरिकांना त्रास सहन करावा लागत असे. ह्या भागात रात्री पूर्णपणे काळोख पसरलेला असल्यामुळे जेष्ठ नागरिकांना तेथून जाताना खूप कसरत करावी लागत असे. येथील स्थानिक नागरिकांनी दोन ते तीन दा तक्रार करून सुद्धा लाईटची सोय काही होईना वारंवार तक्रार करून सुद्धा प्रशासनाचे याकडे दुर्लक्ष होत असल्यामुळे येथील स्थानिक नागरिकांनी राजमुद्रा ग्रुप संस्थापक अध्यक्ष इंजि. सागर गभने यांच्याशी संपर्क साधला संबंधित तक्रार मिळताच सागर गभने यांनी दोन दिवसाच्या आत स्वखर्चाने लाईट लावून दिले. त्यामुळे येथील नागरिकांना आता ये-जा करण्याकरिता कोणताही त्रास होणार नाही व होणारे अपघात टाळता येतील. केलेल्या या कामाबद्दल परिसरातील नागरिकांनी इंजि. सागर गभने यांचे आभार मानले. विशेष म्हणजे या भागातील बहुतेक ठिकाणी इंजि. सागर गभने यांनी लोकांच्या मागणीवरून स्वखर्चाने विद्युत दिवे बसवून दिलेले आहेत. आता जनसामान्यांना प्रश्न पडतो की समोर ही अशा तक्रारी असल्यास नागरिकांनी प्रशासनाकडे जावे की इंजि. सागर गभने यांच्याकडे जावे.