Petrol Price
मुसरमगुडा ते कोटमी फाटा डांबरी रस्त्याची मागणी : CPI कडून जिल्हाधिकारी कार्यालयाकडे निवेदन
विदर्भ न्यूज एक्सप्रेस
प्रतिनिधी / गडचिरोली : एटापल्ली तालुक्यातील मुसरमगुडा गावापासून कोटमी फाट्यापर्यंत डांबरी रस्ता मंजूर करून त्याचे बांधकाम करण्यात यावे, अशी मागणी भारतीय कम्युनिस्ट पार्टी (CPI), गडचिरोली जिल्हा समितीच्या वतीने जिल्हाधिकारी कार्यालय, गडचिरोली येथे निवेदनाद्वारे करण्यात आली आहे.
या भागातील रस्त्याच्या समस्येमुळे नागरिकांना दैनंदिन प्रवास, शेतीची कामे, बाजारपेठेत जाणे तसेच आरोग्य व इतर शासकीय सेवा मिळवताना अडचणींचा सामना करावा लागत आहे. विशेषतः पावसाळ्यात रस्त्याने ये-जा करणे कठीण होत असल्याने नागरिक, शेतकरी, विद्यार्थी आणि रुग्णांची मोठी गैरसोय होत आहे. ग्रामीण व आदिवासी भागातील नागरिकांना मूलभूत पायाभूत सुविधांपासून वंचित राहावे लागू नये, यासाठी या रस्त्याचे बांधकाम तातडीने होणे आवश्यक असल्याचे निवेदनात नमूद करण्यात आले आहे.
CPI च्या वतीने या मार्गाची प्रत्यक्ष पाहणी व तांत्रिक सर्वेक्षण करून आवश्यक अंदाजपत्रक तयार करावे, प्रशासकीय व तांत्रिक मान्यता मिळवावी आणि पात्रतेनुसार संबंधित ग्रामीण रस्ते विकास योजना किंवा मुख्यमंत्री ग्राम सडक योजनेतून रस्त्याला मंजुरी देऊन डांबरीकरण करावे, अशी मागणी करण्यात आली आहे. तसेच रस्त्याच्या मंजुरीची सद्यस्थिती आणि पुढील कार्यवाहीबाबत लेखी माहिती देण्याची मागणीही करण्यात आली आहे.
कॉम्रेड सचिन मोतकुरवार यांचे वक्तव्य -
ग्रामीण आणि आदिवासी भागातील नागरिकांना आजही चांगल्या रस्त्यांसारख्या मूलभूत सुविधांसाठी संघर्ष करावा लागत आहे, ही दुर्दैवाची बाब आहे. मुसरमगुडा ते कोटमी फाटा हा रस्ता नागरिकांच्या दैनंदिन जीवनासाठी अत्यंत महत्त्वाचा आहे. रस्त्याअभावी शेतकरी, विद्यार्थी, रुग्ण आणि सामान्य नागरिकांना त्रास सहन करावा लागत असेल, तर प्रशासनाने याकडे गांभीर्याने लक्ष देणे आवश्यक आहे. केवळ आश्वासने न देता या रस्त्याचे सर्वेक्षण करून निधी मंजूर करावा आणि प्रत्यक्ष बांधकाम सुरू करावे. नागरिकांच्या मूलभूत सुविधांसाठी भारतीय कम्युनिस्ट पार्टीचा संघर्ष सुरूच राहील.
यावेळी भारतीय कम्युनिस्ट पार्टी (CPI), गडचिरोली जिल्हा समितीचे जिल्हा सहसचिव कॉम्रेड सचिन मोतकुरवार यांच्या नेतृत्वाखाली गावकरी व गाव पाटील राशीनाथ गावडे यांनी रस्त्याच्या प्रश्नाकडे प्रशासनाचे लक्ष वेधले. मागणीची गांभीर्याने दखल घेऊन तातडीने कार्यवाही न झाल्यास भारतीय कम्युनिस्ट पार्टीच्या वतीने लोकशाही मार्गाने आंदोलन करण्यात येईल, असा इशाराही निवेदनातून देण्यात आला आहे.
, गडचिरोली जिल्हा समितीच्या वतीने जिल्हाधिकारी कार्यालय, गडचिरोली येथे निवेदनाद्वारे करण्यात आली आहे.या भागातील रस्त्याच्या समस्येमुळे नागरिकांना दैनंदिन प्रवास, शेतीची कामे, बाजारपेठेत जाणे तसेच आरोग्य व इतर शासकीय सेवा मिळवताना अडचणींचा सामना करावा लागत आहे. विशेषतः पावसाळ्यात रस्त्याने ये-जा करणे कठीण होत असल्याने नागरिक, शेतकरी, विद्यार्थी आणि रुग्णांची मोठी गैरसोय होत आहे. ग्रामीण व आदिवासी भागातील नागरिकांना मूलभूत पायाभूत सुविधांपासून वंचित राहावे लागू नये, यासाठी या रस्त्याचे बांधकाम तातडीने होणे आवश्यक असल्याचे निवेदनात नमूद करण्यात आले आहे.CPI च्या वतीने या मार्गाची प्रत्यक्ष पाहणी व तांत्रिक सर्वेक्षण करून आवश्यक अंदाजपत्रक तयार करावे, प्रशासकीय व तांत्रिक मान्यता मिळवावी आणि पात्रतेनुसार संबंधित ग्रामीण रस्ते विकास योजना किंवा मुख्यमंत्री ग्राम सडक योजनेतून रस्त्याला मंजुरी देऊन डांबरीकरण करावे, अशी मागणी करण्यात आली आहे. तसेच रस्त्याच्या मंजुरीची सद्यस्थिती आणि पुढील कार्यवाहीबाबत लेखी माहिती देण्याची मागणीही करण्यात आली आहे.कॉम्रेड सचिन मोतकुरवार यांचे वक्तव्य -ग्रामीण आणि आदिवासी भागातील नागरिकांना आजही चांगल्या रस्त्यांसारख्या मूलभूत सुविधांसाठी संघर्ष करावा लागत आहे, ही दुर्दैवाची बाब आहे. मुसरमगुडा ते कोटमी फाटा हा रस्ता नागरिकांच्या दैनंदिन जीवनासाठी अत्यंत महत्त्वाचा आहे. रस्त्याअभावी शेतकरी, विद्यार्थी, रुग्ण आणि सामान्य नागरिकांना त्रास सहन करावा लागत असेल, तर प्रशासनाने याकडे गांभीर्याने लक्ष देणे आवश्यक आहे. केवळ आश्वासने न देता या रस्त्याचे सर्वेक्षण करून निधी मंजूर करावा आणि प्रत्यक्ष बांधकाम सुरू करावे. नागरिकांच्या मूलभूत सुविधांसाठी भारतीय कम्युनिस्ट पार्टीचा संघर्ष सुरूच राहील.यावेळी भारतीय कम्युनिस्ट पार्टी (CPI), गडचिरोली जिल्हा समितीचे जिल्हा सहसचिव कॉम्रेड सचिन मोतकुरवार यांच्या नेतृत्वाखाली गावकरी व गाव पाटील राशीनाथ गावडे यांनी रस्त्याच्या प्रश्नाकडे प्रशासनाचे लक्ष वेधले. मागणीची गांभीर्याने दखल घेऊन तातडीने कार्यवाही न झाल्यास भारतीय कम्युनिस्ट पार्टीच्या वतीने लोकशाही मार्गाने आंदोलन करण्यात येईल, असा इशाराही निवेदनातून देण्यात आला आहे.)
