महत्वाच्या बातम्या

कौशल्य विकास रोजगार व उद्योजकता मार्गदर्शन केंद्र येथे प्लेसमेंट ड्राईव्ह

विदर्भ न्यूज एक्सप्रेस
प्रतिनिधी / वर्धा : जिल्हा कौशल्य विकास रोजगार व उद्योजकता मार्गदर्शन केंद्र येथे दर महिन्याच्या मंगळवारला प्लेसमेंट ड्राईव्ह सुरु करण्यात आले आहे. या प्लेसमेंट ड्राईव्हमध्ये महाराष्ट्रातील अनेक नामवंत कंपन्यांना आमंत्रित करण्यात येणार असून जिल्ह्यातील नोकरी इच्छुक उमेदवारांना नोकरी प्राप्त करण्याची संधी मिळणार आहे.

पुढील मंगळवारला कोणती कंपनी व कुठल्या शैक्षणिक पात्रता अपेक्षित राहणार याबाबतची माहिती वृत्तपत्रातून प्रसिध्दी करण्यात येणार आहे. जेणे करुन उमेदवारांना पूर्वीच कल्पना मिळेल या संधीचा नोकरी इच्छुक उमेदवारांनी लाभ घ्यावा. २३ जानेवारी होणा-या प्लेसमेंट ड्राईव्ह मध्ये सन्सूर सृष्टी इंडिया प्रा.लि. ही कंपनी सहभागी होणार असून त्यांच्याकडे असलेल्या शाखा व्यवस्थापक २० पदासाठी निवड करण्यात येणार आहे, असे जिल्हा कौशल्य विकास व उद्योजकता मार्गदर्शन केंद्राच्या सहाय्यक आयुक्तानी कळविले आहे.