देशी कट्ट्यासह अट्टल गुन्हेगारास अटक


विदर्भ न्यूज एक्सप्रेस
प्रतिनिधी / चंद्रपूर :
स्थानिक गुन्हे शाखेच्या पथकाने अट्टल गुन्हेगाराला गावठी बनावटीच्या पिस्टलसह अटक केली आहे. सोनुसिंग जितसिंग टाक (२५) रा. विक्तुबाबा मंदिराजवळ जुनोना चौक चंद्रपूर असे अटक करण्यात आलेल्या आरोपीचे नाव आहे.
गुन्हे शाखेच्या पथकाला आरोपी सोनु टाक हा गावठी बनावटीचे पिस्टल बाळगून जुनोना चौक परिसरात फिरत असल्याची माहिती मिळाली. गुन्हे शाखेच्या पथकाने रात्री  सोनुसिंग टाक याला ताब्यात घेवून झडती घेतली. त्याच्याजवळील पिस्टल ताब्यात घेतले. त्यामध्ये दोन जिवंत काडतूस आढळून आले. तसेच एक लोखंडी धारदार सुरा व नगदी २७ हजार २०० रूपये असा ४७ हजार ९०० रूपयांचा मुद्देमाल आढळून आला. त्याच्यावर रामनगर पोलिस ठाण्यात कलम ३, २५ भारतीय हत्यार कायद्यान्वये गुन्हा दाखल करण्यात आला आहे. सोनुसिंग टाक याच्याविरूध्द विविध पोलिस ठाण्यांमध्ये गंभीर गुन्ह्यांची नोंद आहे. 
सदर कारवाई पोलिस अधीक्षक डाॅ. महेश्वर रेड्डी यांच्या मार्गदर्शनात पोलिस निरीक्षक ओमप्रकाश कोकाटे, पोलिस उपनिरीक्षक नागेश जायले, पोलिस उपनिरीक्षक प्रविण मानकर, पोलिस हवालदार राजेंद्र खनके, कैलाश खोब्रागडेे, नापोशि मिलींद चव्हाण, जमीर खान, गजानन नागरे, अविनाश दशमवार, अमजद खान, मनोज रामटेके, नईम खान, पोलिस शिपाई प्रफुल, मयुर येरणे, चालक शिपाई प्रितम रामटेके यांनी केली आहे.

 



  Print






News - Chandrapur | Posted : 2019-08-17






Related Photos