महत्वाच्या बातम्या

राष्ट्रीय धनुर्विद्या खेळ स्पर्धा गुजरात येथे आष्टीतील अनुष्काने गाजविले मैदान

विदर्भ न्यूज एक्सप्रेस

प्रतिनिधी / आष्टी : खेलो इंडिया सेंटर आष्टी येथील धनुर्धर खेळाडू अनुष्का कैलाश वाळके महात्मा ज्योतिबा फुले हायस्कूल तथा कनिष्ठ विद्यालय आष्टी हिने गुजरात येथे झालेल्या असलेल्या १४ डिसेंबर २०२३, SGFI U -१४, ६७ वी धनुर्विद्या नॅशनल स्कूल गेम मध्ये धनुर्धर खेळाडूंनी ओव्हरऑल सुवर्ण पदक प्राप्त केले आहे. त्याबद्दल धनुर्विद्या खेळाडूंचे अभिनंदन करण्यात येत आहे.

या विद्यार्थ्यांनी इंडियन खेळ प्रकारामध्ये सुवर्णपदक पटकावले आहे. आष्टी तथा गडचिरोली वासियांसाठी ही अत्यंत गौरवाची बाब आहे. यानिमित्य जिल्हा क्रीडा अधिकारी गडचिरोली हे प्रशांत दोंदल सहाय्यक अधिकारी घनश्याम वरारकर, तालुका क्रीडा अधिकारी नाजूक उईके, तालुका क्रीडा अधिकारी बडकेलवार यांनी अनुष्का वाळके हिचे अभिनंदन केलेले आहे.

खेलो इंडिया सेंटर आष्टी येथे नियमित सराव करीत असल्याने अनुष्का वाळकेला हे ध्येय सिद्ध करता आले. तिच्या या यशाचे श्रेय तिने सर्वस्वी डॉ. श्याम कोरडे शारीरिक शिक्षण विभाग प्रमुख महात्मा ज्योतिबा फुले कला महाविद्यालय आष्टी यांना दिलेले आहे. तसेच वन वैभव शिक्षण संस्थेचे उपाध्यक्ष बबलू हकीम तसेच शाहीनभाभी हकीम यांनी सुद्धा अनुष्काचे अभिनंदन करून कौतुक केले व तिला आशीर्वाद दिला. तसेच महात्मा ज्योतिबा फुले हायस्कूल तथा कनिष्ठ महाविद्यालयाचे प्राचार्य शैलेंद्र खराती महात्मा ज्योतिबा फुले कला महाविद्यालयाचे प्राचार्य संजय फुलझेले व पर्यवेक्षक के.जी. बैस, ज्येष्ठ लिपिक राजू पोटवार, सर्व शिक्षक, शिक्षकेतर कर्मचारी यांनी अनुष्काचे खूप खूप अभिनंदन केले.

क्रीडा शिक्षक सुशील अवसरमोल, रोशन सोळंके, कौमुदी श्रीरामवार, नितेश डोके, पूजा डोर्लिकर यांनी सुद्धा तिला वेळोवेळी मार्गदर्शन केले आहे. अनुष्का वर कौतुकाचा वर्षाव केलेला आहे व भविष्यासाठी तिला शुभेच्छा दिलेल्या आहेत.