महत्वाच्या बातम्या

वासेरा ग्रामपंचायत व आय.सी.आय.सी.आय फाऊंडेशन तर्फे सामूहिक फळबाग लागवडीला सुरुवात

विदर्भ न्यूज एक्सप्रेस
प्रतिनिधी / सिंदेवाही : तालुक्यातील वासेरा येथे सामूहिक फळबाग लागवड कार्यक्रमाचा शुभारंभ करण्यात आला. वासेरा येथील ६ एकर स्मशानभूमीच्या जागेवर ग्रामपंचायत वासेरा व आय.सी.आय.सी.आय फाऊंडेशन यांच्या संयुक्त विद्यमाने सामूहिक फळबाग लागवड उपक्रम राबविण्यात येत आहे. या उपक्रमामध्ये आय.सी.आय.सी.आय. फाउंडेशन तर्फे विविध प्रकारच्या फळझाडांची रोपे, जैविक खते, पाणी व्यवस्थापन उपलब्ध करून देण्यात आले आहे, तर ग्रामपंचायत वासेरा यांच्या वतीने महात्मा गांधी रोजगार हमी योजनेच्या माध्यमातून रोपांचे संगोपन व संवर्धन केले जाणार आहे. जेनेकरून भविष्यातील भेळसावणाऱ्या रोजगाराच्या संबंधाने गावातील नागरिकांच्या पलायनाच्या समस्येवर आळा बसणार असून गाव स्वावलंबी व स्वयंरोजगारपूर्ण होण्याच्या दिशेने पाऊल टाकत आहे . आजच्या या स्तुत्य उपक्रमाच्या उद्घाटन कार्यक्रमाप्रसंगी अध्यक्ष म्हणून ग्रामपंचायत कार्यालय वासेरा सरपंच महेश बोरकर तर प्रमुख अतिथी म्हणून सोरते इंजिनियर मनरेगा पंचायत समिती सिंदेवाही, ताराचंद मानकर ग्रामविस्तार अधिकारी ग्रा.प.वासेरा, मंदा मुनघाटे उपसरपंच ग्रा.प.वासेरा, अस्मिता रामटेके ग्रा.प.सदस्य वासेरा,नागेश बंडीवार ग्रा.प.सदस्य, रमेश मडीवार रोजगार सेवक, शालीक नन्नावरे, ग्रा.प.कर्मचारी, सुनिल बोरकर ऑपरेटर, तेजराम आनंदे माजी उपसरपंच ग्रा.प.वासेरा, आय.सी.आय.सी.आय. फाउंडेशनचे विकास अधिकारी हार्दिका मेहता, विनेश म. झोडे, रो. ह. यो कामगार तसेच वासेरा ग्रामस्थ उपस्थित होते.