महत्वाच्या बातम्या

अंगणवाडी कर्मचारी सभा महाराष्ट्र कर्मचाऱ्यांचा १५ डिसेंबर रोजी मोर्चा धडकणार

- अंगणवाडी सुपरवायझरनी दडपशाही करून संप चिघळवू नये : कमल परुळेकर

विदर्भ न्यूज एक्सप्रेस
प्रतिनिधी / नापंगूर : अंगणवाडी कर्मचारी सभा महाराष्ट्र यांच्या अंतर्गत मानधनवाढ, पेन्शन, मुलांचे आहार दरात वाढ करणे इत्यादी मागण्यांसाठी महाराष्ट्रातील २ लाख १० हजार अंगणवाडी सेविका, मिनी सेविका व मदतनीस डिसेंबर पासून बेमुदत संपावर गेल्या आहेत. मंत्री नामदार अदिती तटकरे यांनीही ५ डिसेंबरला कृती समितीला आयुक्त कार्यालयात बोलावून यांच्याशी ऑनलाईन चर्चा केली. त्याचा आग्रह होता की संप मागे घेतल्यावर बोलूयात. पण मागील अनेक अनुभव सांगून आपण त्यांना सांगीतले की आधी मानधनवाढीची घोषणा करा, मग संप मागे घेण्याचा विचार कृती समिती करेल मंत्रीणबाईना संप लवकर मिटावा वाटतेय हे पण सकारात्मक घ्यायला हवे. पण जिल्ह्यातून सुपरवायझर प्रकल्प अधिकारी मात्र विषेश नवीन नोकरीत गेलेल्या अंगणवाडी मदत‌नीसना रात्रीसुद्धा फोन करून तूमच्या कारवाई करू हजर व्हा अशा धमक्या देत आहेत. खरे तर किती कर्मचारी संपावर आहेत एवढीच माहीती त्यांनी वरिष्ठांपर्यंत पोचवायची असते.

अंगणवाडी कर्मचारी मानसेवी असल्यामुळेच त्यांच्यासाठी सरकारी कर्मचाऱ्यांप्रमाणे सेवा नियम अद्याप सरकारने तयारच केलेले नाहीत. म्हणून तर नेमणुकीची ऑर्डर महाराष्ट्रभर एकसारखी नाही. जिल्ह्यातही वेगवेगळ्या अधिकाऱ्यांनी वेगवेगळ्या तारखांना दिलेल्या ऑर्डरी एकसमान नाहीत. सेवा नियम तयार असते तर असे झाले नसते हे अंगणवाडी कर्मचारी यांनी लक्षात घ्यावे गेले.

४ वर्षे कूपोषण रोखण्यासाठी आहाराचे दर वाढवावेत तरच अन्नाचा दर्जा वाढेल, हे शासनाला आम्ही वारंवार पटवून देत आहोत. ते न करता आता कूपोषण वाढण्याची भीती सरकारला वाटते, हा विनोदच म्हणावा लागेल. ३ वर्षाचे स्थगितीनंतर अलिकडेच महाराष्ट्रात २० हजार नवीन मदतनीस नेमल्या गेल्यात त्याना धमक्या देऊन संप फोडण्याचा प्रयत्न सुपरवायझरनी करू नये, अशी आमची अपेक्षा आहे. कारण अंगणवाडीच्या अनेक लढ्यानंतरच सेविका या मानसेवी पदावरून सुपरवायझर या सरकारी नोकरीवर जाण्याचा मार्ग मोकळा झाला व बहुसंख्य सेविका सुपरवायझर झाल्यात हे कसे विसरता येईल? असो. जर सेवा नियम शासनाने अधिकृतरीत्या अंगणवाडीसाठी सरकारने केले असतील ते जाहीर करा असे आमचे जिल्ह्यातील अधिकाऱ्यांना आवाहन आहे.

दरम्यान नागपूरचा मोर्चा पोलीसांनी परवानगी नाकारल्यामुळे अकरा ऐवजी १५ डिसेंबर ला होत आहे. याची सर्वांनीच दखल घ्यावी. असे अंगणवाडी कर्मचारी सभेच्या जनरल सेक्रेटरी कमल परुळेकर म्हणाल्या. सोबत नागपूरच्या सर्व पदाधिकारी माया ढाकणे, उज्वला नारनवरे, कल्पना अतकरे, मनिषा मुनघाटे, ज्योती देशभ्रतार इत्यादी महिला उपस्थित होत्या.