महत्वाच्या बातम्या

प्रशिक्षणार्थ्यांनी नेहमी अद्ययावत पाहिजे : युवराज टेंभुर्णे जिल्हा अग्रणी प्रबंधक

विदर्भ न्यूज एक्सप्रेस

प्रतिनिधी / गडचिरोली : पारंपरिक अर्थार्जनाच्या पद्धती सध्या बदललेल्या आहेत. नवनवीन संकल्पनाचा शोध लागत आहे. मनुष्य हा नेहमी नवनवीन शोध घेत असतो. त्यामुळे एखादे प्रशिक्षण पूर्ण केल्यानंतर त्या बाबतीत अद्यावत असणे हि काळाची गरज आहे. त्यामुळे आपल्या छोट्याश्या व्यवसायाला बल प्राप्त होते आणि आपला व्यवसायाची भरभराट होते असे उद्गार अग्रणी जिल्हा प्रबंधक युवराज टेंभूर्णे यांनी काढले. ते बँक ऑफ इंडिया ग्रामीण स्वरोजगार प्रशिक्षण संस्था आरसेटि आणि ग्रामीण जीवन्नोन्नती अभियान यांचे संयुक्त विद्यमाने आयोजित १३ दिवसीय बांबू व हस्तकला या प्रशिक्षणाच्या समारोपीय कार्यक्रमात प्रमुख अतिथी म्हणून बोलत होते.

या प्रसंगी संस्थेचे संचालक कैलास बोलगमवार, कार्यक्रम समन्वयक हेमंत मेश्राम, आरसेटि श्रेष्ठता केंद्राचे प्रतिनिधी नवलकिशोर सिंग, शारदा चांदेकर मार्गदर्शक नरेश हिरापूरे तथा लखमापूर बोरी, भिक्षि, बल्लू या गावातील प्रशिक्षणार्थी महिला व्यवसायि उपस्थित होते.

सदर प्रशिक्षण हे लखमापूर बोरी येथे प्रभाग संघाच्या कार्यालयात आयोजित करण्यात आले होते. प्रशिक्षणात बांबू पासून बनणाऱ्या पारंपरिक तसेच आधुनिक शोभेच्या वस्तू तयार करण्याचे प्रशिक्षण देण्यात आले. सोबतच व्यायसायिक सक्षमता द्वारे तसेच बँकिंग, प्रकल्प अहवाल याद्वारे आपला व्यवसाय कसा वृद्धिंन्गत होऊ शकतो यावर मार्गदर्शन करण्यात आले.

या कार्यक्रमासाठी प्रभाग समन्वयक निलेश सिरसाम, समुदाय संसाधन व्यक्ती मनीषा बारसागडे, वैशाली बारसागडे, यांची मदत मिळाली.

सदर प्रशिक्षणाचे मूल्यांकन ऑनलाईन पद्धतीने घेण्यात आले. याला महिलांनी उत्स्फूर्त प्रतिसाद दिला. प्रशिक्षणार्थी महिला वंदना आणि फिझा हिने आपल्या मनोगतातून १३ दिवसीय प्रशिक्षणाचा आढावा घेतला.

कार्यक्रमाचे सूत्र संचालन व आभार प्रदर्शन कार्यक्रम समन्वयक हेमंत मेश्राम यांनी केले.