नवरगांव येथे तालुका स्तरीय एक दिवसीय शेतकरी प्रशिक्षण संपन्न
विदर्भ न्यूज एक्सप्रेस
तालुका प्रतिनिधी / सिंदेवाही : कृषी तंत्रज्ञान व्यवस्थापन यंत्रणा (आत्मा) चंद्रपूर व तालुका कृषी अधिकारी कार्यालय सिंदेवाही संयुक्त विद्यमाने सिंदेवाही तालुक्यामधील परंपरागत कृषी विकास योजना (सेंद्रिय शेती/८५० गट) अंतर्गत स्थापित सुसंस्कृत शेतकरी उत्पादक कंपनी, मिनघरी व तालुक्यातील सेंद्रिय शेती करण्यास इच्छुक असणाऱ्या शेतकऱ्यांकरिता सेंद्रिय शेती योजना विषयावरील सविस्तर माहिती मार्गदर्शना करिता २३ नोव्हेंबर २०२३ रोजी सकाळी ११.०० वाजता एक दिवशीय प्रशिक्षण कार्यक्रम रमाबाई जयस्वाल सभागृह नवरगाव तालुका सिंदेवाही येथे संपन्न झाले.
या प्रशिक्षणाचे उद्घाटन वरीष्ठ शास्त्रज्ञ तथा प्रमुख, कृषि विज्ञान केंद्र, सिंदेवाही डॉ.व्ही.जी. नागदेवते यांचे हस्ते संपन्न झाले. प्रशिक्षणाचे अध्यक्ष प्रकल्प संचालक आत्मा चंद्रपुर प्रिती म. हिरळकर असुन कार्यक्रमाचे प्रास्ताविक तालुका कृषी अधिकारी सिदेवाही अनिल महाले यांनी केले.
सदर कार्यक्रमास प्रमुख उपस्थिती जिल्हा व्यवस्थापक नाबार्ड तृणाल फुलझेले, उपविभागीय कृषी अधिकारी नागभीड अर्चना फुलसुंदर तसेच प्रमुख मार्गदर्शक म्हणुन तालुका तंत्रज्ञान व्यवस्थापक तालुका वडसा जिल्हा गडचिरोली विनोद रंहागडाले, तालुका समन्वयक सेंद्रिय शेती पंचायत समिती मुल स्नेहल मडावी, कृषी व्यवस्थापक सेंद्रिय शेती पंचायत समिती मुल मयुर गड्डमवार यांनी विषयानुरूप तांत्रिक मार्गदर्शन केले.
कार्यक्रमाचे सूत्रसंचालन व आभार प्रदर्शन तालुका तंत्रज्ञान व्यवस्थापक आत्मा सिंदेवाही एस.डब्ल्यू. मोटघरे यांनी केले. सदर कार्यक्रमाचे यशस्वीतेकरीता तालुका कृषी अधिकारी सिंदेवाही कार्यालयातील क्षेत्रीय कर्मचारी व सुसंस्कृत शेतकरी उत्पादक कंपनी मिनघरीचे सभासद शेतकरी बहुसंख्येनी उपस्थित होते.
News - Gadchiroli