मार्कंडेश्वर मंदिराचा होणार जीर्णोध्दार, भारतीय पुरातत्व विभागाकडून कार्य प्रगतीपथावर


विदर्भ न्यूज एक्सप्रेस 
प्रतिनिधी / गडचिरोली :
  विदर्भाचे खजुराहो अशी ओळख असणाऱ्या  प्रसिध्द मार्कंडेश्वर मंदिराच्या जीर्णोध्दाराचे कार्य भारतीय पुरातत्व विभागाकडून गतीने सुरु आहे.
 केंद्रीय सांस्कृतीक मंत्रालयाच्या अधिन असणाऱ्या भारतीय पुरातत्व विभागाच्या वतीने मार्कंडेश्वर मंदिराच्या सुरु असलेल्या जीर्णोध्दाराच्या कार्याबाबत मंत्रालयाने माहिती दिली आली आहे.   चामोर्शी तालुक्यात वैनगंगा नदी तीरावर स्थित भगवान शिवाचे पुरातन मार्कंडेश्वर मंदिर हे उत्तर भारतातील प्रसिध्द 'नागरा' शैलीतील मंदिर असून मंदिर जीर्णोध्दाराच्या कामाला नोव्हेंबर २०१७ मध्ये सुरुवात करण्यात आली. 
 मार्कंडेश्वर मंदिराचे निर्माण इ.स. ९  ते १२ व्या शतकात झाले आहे. शिव वैष्णव आणि शाक्त भाविकांचे श्रध्दास्थान  असणाऱ्या या पुरातन मंदिराचे गर्भगृह  आणि शिखर उन्मळून  पडले आहे. १२० वर्षा पूर्वी स्थानिक गोंड राजाने या मंदिराचा जीर्णोध्दार केला होता. मात्र हे जीर्णोध्दाराचे काम शास्त्रीय व तांत्रिकदृष्टया योग्या नसल्याने मंदिराचा काही भाग उन्मळून पडला होता. या पार्श्वभूमीवर, भारतीय पुरातत्व विभागाने मंदिराच्या जीर्णोध्दाराचे कार्य हाती घेतले. यानुसार, मंदिराच्या दोन्ही बाजूच्या तुलनेत जास्त नुकसान झालेल्या उत्तरेकडील बाजूच्या दुरुस्तीचे काम सर्वप्रथम हाती घेण्यात आले.
 मंदिराच्या नुकसानग्रस्त दोन भिंती दरम्यानच्या जागीचे दगड, वीट आणि चुना यांचा उपयोग करुन दुरुस्ती करण्यात आली आहे. मंदिरातील जवळपास १५०० नुकसान ग्रस्त दगड काढून टाकण्यात आले असून तीथे भराव घालण्याचे काम सुरु आहे. गर्भगृहातील दगडांना  क्रमवारी देण्यात आली. तसेच मुळ दगड व साहित्याची जोपासना होण्याच्या दृष्टीने शास्त्रोक्तरित्या त्याची दुरुस्ती करण्यात येत आहे. आतापर्यंत मंदिराच्या भिंती दुरुस्तीचे काम पूर्ण झाले असून कळसाच्या दुरुस्तीचे कार्य हाती घेण्यात आले आहे अशी माहिती मंत्रालयाच्या वतीने देण्यात आली आहे. 

 



  Print






News - Gadchiroli | Posted : 2019-07-17






Related Photos