गडचिरोली - चंद्रपूर मार्गावर ट्रॅव्हल्सची ट्रकला धडक, प्रवासी जखमी


विदर्भ न्यूज एक्सप्रेस
  प्रतिनिधी / चंद्रपूर :
गडचिरोली येथून चंद्रपूरकडे जात असलेल्या ट्रॅव्हल्सचा स्टेअरींग राॅड तुटल्याने ट्रॅव्हल्स अनियंत्रित होवून विरूध्द दिशेने येणाऱ्या ट्रकला धडक दिली. यामध्ये ८ ते १० प्रवासी जखमी झाले असल्याची माहिती प्राप्त झाली आहे. सदर घटना आज ५ सप्टेंबर रोजी सायंकाळी ५ वाजताच्या दरम्यान घडली.
महाकाली ट्रॅव्हल्स कंपनची एमएच ३४ एबी ८३८६ क्रमांकाची ट्रॅव्हल्स गडचिरोली येथून प्रवासी घेवून चंद्रपूरकडे जात होती. दरम्यान चिचपल्ली जवळ ट्रॅव्हल्सचा स्टेअरिंग राॅड तुटल्याने चालकाचे नियंत्रण सुटले. अनियंत्रित ट्रॅव्हल्स समोरून येणाऱ्या ट्रकवर धडकली. यामुळे ट्रॅव्हल्समधील ८  ते १० प्रवासी जखमी झाले. जखमींना तत्काळ रूग्णालयात हलविण्यात आले. वृत्त लिहीपर्यंत अधिक माहिती मिळू शकली नाही.

 



  Print






News - Chandrapur | Posted : 2018-09-05




Related Photos