मुलचेरा येथील बस स्थानक बनला जनावरांचा गोठा , विद्यार्थी बस ची प्रतीक्षा करतात पानटपरीवर उभे राहून


- खडतर प्रवासाने विद्यार्थ्यांचे शैक्षणिक नुकसान : प्रशासनाचे दुर्लक्ष 
विदर्भ न्यूज एक्सप्रेस 
तालुका प्रतिनिधी / मुलचेरा : 
तालुका मुख्यालयातील बसस्थानक जनावरांचा गोठा म्हणून ओळखल्या जात असून घाणीचे साम्राज्य निर्माण झाले आहे . त्यामुळे खडतर प्रवास करीत येणाऱ्या बसची प्रतीक्षा विद्यार्थ्यांना पानटपरीवर किंवा किराणा दुकानात ताटकळत उभे राहून करावी लागत आहे, बस उशिरा येत असल्यामुळे विद्यार्थ्यांचे शैक्षणिक नुकसान होत आहे . मात्र प्रशासनाचे रस्त्यांकडे व बसस्थानकाकडे पूर्णतः दुर्लक्ष होत आहे .    
 मूलचेरा येथे मध्यस्थानी बस स्थानक आहे, मूलचेरा तालुक्यात ६८ गावांचा समावेश असून नेहमी नागरिकांची तालुक्याच्या ठिकाणी वर्दळ असते. नागरिक आपले शासकीय व निमशासकीय कामे घेऊन तालुक्यात येत असतात.तसेच शालेय विद्यार्थी शिक्षण घेण्याकरीता मूलचेरा येथे येत असतात.माध्यमिक व उच्च माध्यमिक व महाविद्यालय आहे. शाळा सुटल्यानंतर विद्यार्थ्यांना स्वगावी परत जाण्यासाठी बसस्थानकात जावे लागतो,मात्र बसस्थानकात बसन्याची सोय नसल्यामुळे विद्यार्थी आजु-बाजुला असलेल्या पानठेल्यावर, किरना दुकानाचा सहारा,व रस्त्यावर उभे  राहून बसची प्रतीक्षा करतात.    बसस्थानाक असून सुद्धा जनावराचा गोठा बनलेला आहे . या ठिकाणी जनावरांनी अतिक्रमण केले असून घाणीचे साम्राज्य बनले आहे. तसेच तालुक्यातील   चहू रस्त्यावरील मार्गाची परस्थिती अत्यंत दयनीय असल्याने बस तासनतास उशिरा येत आहे . विद्यार्थ्यांना बससाठी प्रतीक्षा करावी लागत आहे.यामुळे विद्यार्थ्यांचे शैक्षणिक नुकसान होत आहे . विद्यार्थी ,पालकवर्गात परिवहन महामंडळा विरुद्ध तीव्र रोष व्यक्त केला जात असून संबंधीत समस्यांचे निवारण करण्याची मागणी होत आहे . 



  Print






News - Gadchiroli | Posted : 2018-09-04




Related Photos